Estadio Municipal da Malata

Na Galipedia, a Wikipedia en galego.
Saltar ata a navegación Saltar á procura

Coordenadas: 43°29′28.53″N 8°14′20.46″O / 43.4912583, -8.2390167

A Malata
A Malata Ferrol.jpg
Datos
LocalizaciónFerrol, Galicia
Construción
Inauguración1993
Estadio
SuperficieHerba
Dimensións105 x 68
Capacidade12.049
PropietarioConcello de Ferrol
LocalíaRacing de Ferrol

O Estadio Municipal da Malata é un campo de fútbol localizado en Ferrol, e onde xoga o equipo do Racing de Ferrol.

Características[editar | editar a fonte]

O estadio está localizado nunha superficie municipal de 144.806 metros cadrados na zona da Malata, no alfoz da cidade, xunto ó recinto feiral de Punta Arnela e á desembocadura do río da Sardiña, en terreos ganados á ría de Ferrol. O campo mide 105 metros de longo e 68 de largo.

Foi construído pola empresa Agromán e financiado con 1.700 millóns de pesetas pola Xunta de Galicia. Foi proxectado por un equipo de cinco arquitectos, aínda que do seu deseño se encargou Alfredo Alcalá.

O recinto dispón de 12.024 cadeiras, todas elas a cuberto. Tamén ten un sistema de rego mediante aspersores emerxentes, un marcador electrónico, vestiarios, cafetería, oficinas, locais para radio, prensa e televisión, e piscina climatizada.

O primeiro partido xogouse o 18 de abril de 1993 en xornada de liga, entre o Racing e o Atlético de Madrid B, co resultado de 3-2. Porén, foi inaugurado oficialmente o 29 de agosto de 1993 cun partido entre o Celta e o Deportivo. A Malata substituíu ao Estadio Manuel Rivera, situado no barrio do Inferniño, que foi escenario dos encontros do Racing entre dende 1921, e levou o nome de Campo do Inferniño até 1954, cando foi renomeado na honra do mítico futbolista Manuel Rivera Martorell.

Véxase tamén[editar | editar a fonte]

Ligazóns externas[editar | editar a fonte]