Carlos Pellicer Vázquez
| Carlos Pellicer | |||
|---|---|---|---|
| Información persoal | |||
| Nome | Carlos Pellicer Vázquez | ||
| Nacemento | 12 de maio de 1944 | ||
| Lugar de nacemento | A Coruña | ||
| Altura | 178 centímetros | ||
| Posición | Dianteiro | ||
| Carreira xuvenil | |||
| Liceo de Monelos | |||
| Carreira sénior | |||
| Anos | Equipos | Aprs | (Gls) |
| 1962–1963 | Liceo de Monelos | ||
| 1963–1964 | Fabril | ||
| 1964–1967 | Deportivo da Coruña | 26 | (7) |
| 1967–1970 | Barcelona | 21 | (2) |
| 1970–1973 | Valencia | 32 | (6) |
| 1973–1974 | Levante | 5 | (0) |
|
Partidos e goles só en liga doméstica. [ editar datos en Wikidata ] | |||
Carlos Pellicer Vázquez, nado na Coruña o 12 de abril de 1944, é un exfutbolista galego. Xogaba de dianteiro.
Traxectoria[editar | editar a fonte]
Comezou a xogar ao fútbol no Liceo de Monelos, club no que militou ata o verán de 1963, cando fichou polo Fabril.[1] Disputou unha soa tempada co club fabrilista, incorporándose a continuación ao Deportivo da Coruña.
Debutou co Deportivo na tempada 1964–65 en Primeira División, sendo os adestradores do equipo coruñés Juan Otxoantezana primeiro e Luis Carniglia despois. Ao remate do campionato o equipo descendeu a Segunda División, retornando a tempada seguinte a Primeira División. Na tempada 1966–67 descendeu novamente a Segunda División.
Na tempada 1967–68 fichou polo FC Barcelona, adestrado por Salvador Artigas. Na súa estadía no conxunto catalán (3 campañas), lograría unha Copa do Rei na súa primeira tempada, así como participar na Copa de Feiras e na Recopa de Europa. Aínda así, nunca tivo un papel importante no equipo barcelonés, sendo un xogador de segundo plano. A súa tempada con máis participacións foi a 1968–69, nas que Pellicer xogou en 11 partidos e logrou os seus únicos 2 goles como blaugrana.
Na tempada 1970–71 foi contratado polo Valencia CF, co que conseguiu a liga esa campaña e participar na Copa de Feiras. No conxunto valencianista estivo tres tempadas, participando en 40 partidos e anotando 7 goles.
Na tempada 1973–74 fichou polo Levante UD, en Segunda División. Logo de participar tan só en 5 partidos, o conxunto levantino descendeu a Terceira División ao remate do campionato.
Palmarés[editar | editar a fonte]
- Deportivo
- Segunda división (1): 1965–66
- Barcelona
- Copa do Xeneralísimo (1): 1967–68
- Valencia
- Primeira división (1): 1970–71
Notas[editar | editar a fonte]
- ↑ "Pellicer dice:". La Voz de Galicia (en castelán). 12 de xuño de 1963. p. 4.
Véxase tamén[editar | editar a fonte]
Ligazóns externas[editar | editar a fonte]
| Control de autoridades |
|
|---|
