Portal:A Coruña

A Coruña é unha cidade situada no noroeste de Galiza e bañada polo océano Atlántico, nas rías Altas. É a capital da provincia da Coruña e a cabeza da súa comarca, que ademais do seu propio concello inclúe os de Abegondo, Arteixo, Bergondo, Cambre, Carral, Culleredo, Oleiros e Sada. Despois de Vigo, A Coruña é o segundo concello galego máis poboado; contaba no ano 2015 con 243 870 habitantes, fronte aos 294 098 habitantes da cidade olívica.

A cidade é sede do Tribunal Superior de Xustiza de Galicia, da Delegación do Goberno en Galicia, da Real Academia Galega, do Arquivo do Reino de Galicia e da Forza Loxística Operativa. Dende 1563 foi sede da Real Audiencia de Galicia (permanentemente dende 1612) e foi capital de Rexión Militar ata a súa desaparición en 2002.

O seu emprazamento é privilexiado, xa que se ergue sobre un promontorio na entrada dunha ría nun amplo golfo, o Portus Magnus Artabrorum dos xeógrafos clásicos. O centro da cidade espállase sobre unha península unida a terra firme por un estreito istmo, no que presenta dúas fachadas marítimas distintas: a portuaria (cara á ría da Coruña), de augas tranquilas, e outra de mar aberto, cara á enseada do Orzán, onde se atopan as praias urbanas de Riazor e o Orzán.

Unha das características máis notables que identifican A Coruña constitúena as múltiples e variadas galerías ou miradoiros que presentan nas súas fachadas numerosas casas do século XIX, que deron á Coruña o sobrenome de Cidade de Cristal, sen esquecer as súas numerosas praias, así como o contorno rural, que ofrece múltiples posibilidades de lecer.

ler máis...

Amosar máis contido destacado

Artigo destacado

editar

A Orquestra Sinfónica de Galicia (OSG) foi creada en 1992 polo Concello da Coruña. Ten a súa sede no Palacio da Ópera da Coruña. Dende a tempada 2013-14, o director ruso Dima Slobodeniouk ocupa o cargo de director musical da orquestra coruñesa, mentres que o burgalés Víctor Pablo Pérez ocupa o posto de director honorario logo de veinte anos á fronte da orquestra herculina. A OSG ofrece unha tempada sinfónica de concertos anual e adoita participar na Tempada Lírica da Coruña.

Levou a cabo xiras por Alemaña e Austria, e ofreceu concertos nas mellores salas e ciclos de concertos de España. En 2007 realizou a súa primeira xira por Suramérica, que a levou a escenarios de Chile, Arxentina, Brasil e Uruguai, mentres que a finais de 2009 presentouse no famoso Musikverein de Viena. En 2007 foi nomeada para os Premios Grammy.

A Orquestra Sinfónica de Galicia creou, á súa vez, o Coro da OSG, a Orquestra de Cámara, a OSG Camerata, a Orquestra Nova da OSG, os Nenos Cantores da OSG, o Coro Novo da OSG e o proxecto social ABANCA ReSuena.

...Arquivo

Ler máis...

Lugar de interese

editar

A Torre de Hércules é unha torre e faro situado na península da cidade da Coruña, que ten o privilexio de ser o único faro de orixe romana en funcionamento no mundo. A planta é cadrada (10 m de lado), cunha altura total de 68 metros. Está localizada nun cabo.

A Torre de Hércules foi construída polos romanos como faro de navegación a finais do século I ou comezos do II d.C. durante a época de Traxano. No reinado de Carlos IV realizouse unha reconstrución completa que durou entre xullo de 1788 e decembro de 1790, dirixida por Eustaquio Giannini no estilo neoclásico. Desde entón non se volveu mudar a aparencia da torre e só se modificou a lanterna coa instalación dun fanal xiratorio e o acceso a este. No interior fixéronse falsos teitos e cubríronse as paredes de papel. En 1993 elimináronse todos os engadidos interiores..

O 27 de xuño de 2009 foi proclamada Patrimonio da Humanidade en Sevilla pola Comisión do Patrimonio Mundial da UNESCO. Deste xeito converteuse no cuarto recoñecemento da UNESCO en Galicia xunto co Camiño de Santiago, a Muralla de Lugo e o Casco Vello de Santiago de Compostela.

...Arquivo

Ler máis...

Imaxe destacada

editar

A Casa das Palabras no antigo cemiterio musulmán.

Vexa o artigo Parque Punta Herminia.

Categorías

editar

Queres atopar artigos relacionados coa cidade da Coruña? Proba buscando nas seguintes categorías:

Biografía destacada

editar

Sofía Pérez Eguia y Casanova de Lutoslawski, máis coñecida como Sofia Casanova, nada na Coruña o 30 de setembro de 1861 e finada en Poznan (Polonia) o 16 de xaneiro de 1958, foi unha prolífica poeta, novelista e xornalista galega.

Foi a segunda correspondente de guerra española, tras a súa amiga Carmen de Burgos, mais algúns investigadores declaran que debería ser considerada a primeira atendendo ao grado de profesionalización e permanencia nesta actividade, sendo testemuña dun tempo convulso da historia de Europa, xa que viviu de primeira man as dúas guerras mundiais e a caída do tsarismo. Entre 1885 e 1938 realizou máis de trinta viaxes por Europa.

Casou co intelectual e terratenente polaco Wincenty Lutosławski, do que se separou en 1907.

...Arquivo

Ler máis...

Sabías que...?

editar

...A Coruña foi dúas veces sede do Mundial de Hóckey a patíns, en 1972 e en 1988?
...en 1658 estoupou a polvoreira da Fortaleza Vella matando duascentas persoas e destruíndo edificios próximos?
...Entierro del General Sánchez Bregua, de 1897, é un dos primeiros filmes rodados en Galicia?

Este mes

editar

2 de marzo de 1906 – Fúndase o Club Deportivo da Sala Clavet.
3 de marzo de 1937 – Prodúcese un intento de fuga de republicanos dende O Portiño.
6 de marzo de 2002 – O Deportivo da Coruña gaña ao Real Madrid a súa segunda Copa do Rei.
8 de marzo de 1917 – Falece Eduardo Pondal.
22 de marzo de 1989 – Fernando Rey gaña o Goya ao mellor actor.
24 de marzo de 1494 – Bula pola que a Colexiata de Santa María se converte en abadía.

Máis aniversarios...

Cita destacada

editar

“	Se non for na Ponte-Ceso, / sepultádeme na Cruña, nesta garrida ciudade / que mil bellezas aduna, a cabo do insigne Curros, / xa que a del i a miña musa a fala de Breogán / fixeron nobre e robusta: eu quero xacer de par / de tan nobre sepultura...	”
— Eduardo Pondal, A derradeira voluntá