Partido dos Socialistas de Galicia
| Partido dos Socialistas de Galicia (PSdeG) | |
|---|---|
 |
|
| Partido político de Galicia | |
| Líder | Pachi Vázquez (Secretario xeral) |
| Fundación | |
| Sede | Santiago de Compostela |
| Ideoloxía | Galeguista Centro esquerda Socialismo |
| Representación | 927 concelleiros e 25 deputados no Parlamento Galego |
| Mocidades | Xuventudes Socialistas de Galicia |
| Páxina web | www.psdeg-psoe.com |
- Para a historia do PSOE en Galicia antes da constitución do PSdeG véxase Partido Socialista Obrero Español en Galicia.
O Partido dos Socialistas de Galicia (PSdeG) é un partido político galeguista e socialdemócrata de ámbito galego.
Índice |
Historia[editar]
Federado ao Partido Socialista Obrero Español, conta con 927 concelleiros, deputados provinciais e 25 deputados no Parlamento de Galicia e 10 no Congreso dos Deputados. Tiña 25.423 militantes no ano 2000, tras unha depuración interna da listaxe de militancia no ano 2002 quedou reducida a 10.500. Segundo datos publicados o 6 de marzo de 2006 conta con 27.551 afiliados, deles 19.307 activos.
Nas eleccións do 2005, o PSdeG-PSOE acadou 25 parlamentarios. A través dun pacto cos nacionalistas galegos do BNG, conseguiu a presidencia da Xunta de Galicia: Emilio Pérez Touriño, daquela secretario xeral dos socialistas foi o presidente dun goberno de coalición. Nas eleccións de 2009 o PSdeG-PSOE tivo un retroceso en votos e, aínda que conservou o mesmo número de escanos, non lles foi abondo aos partidos do goberno para conservalo. O 2 de marzo de 2009, Emilio Pérez Touriño dimitía como secretario xeral, e un mes despois era substituído por Pachi Vázquez, quen dirixe a formación dende o 24 de abril de 2009.
O colectivo da mocidade do PSdeG-PSOE é as Xuventudes Socialistas de Galicia (XSG)
O PSOE en Galicia adoptou o nome de Partido Socialista de Galicia no Congreso Extraordinario de novembro de 1977 e por diversos contenciosos co Partido Socialista Galego modificou o seu nome en 1980 para adoptar o actual.
Secretarios xerais[editar]
- Francisco Vázquez Vázquez 1ª vez (1977-1985)
- Antolín Sánchez Presedo (1985-1993)
- Francisco Vázquez Vázquez 2ª vez (1993-1998)
- Emilio Pérez Touriño (1998-2009)
- Pachi Vázquez (2009-actualidade)
