Colombia
A República de Colombia[2] é un país situado no recuncho noroccidental de América do Sur, o que a fai posuidora de costas nos océanos Atlántico e Pacífico. A costa norte e noroeste está o Mar Caribe, limita continentalmente con: Venezuela ó leste, Brasil ó sueste, Perú e Ecuador ó sur, e Panamá e o Océano Pacífico ó Oeste. Limita vía marítima con Costa Rica ó oeste; Nicaragua, Porto Rico e Honduras, ó noroeste; República Dominicana, Xamaica e Haití ó norte.
Índice |
Historia [editar]
- Véxase artigo Historia de Colombia
Xeografía [editar]
Os Andes dominan a metade occidental de Colombia, e divídense en tres grandes cordilleiras: a Occidental, a Central e a Oriental. Entre as cordilleiras os ríos Magdalena e Cauca flúen cara ás chairas baixas ó longo da costa caribeña. Hai volcáns nas partes máis altas das cordilleiras, algúns deles activos de cando en vez. O punto máis alto é o Pico Cristobal Colón na Serra Nevada de Santa Marta cunha altura de 5.775 m sobre o nivel do mar.
A parte oriental do país caracterízase polas chairas, en partes densamente arborizadas e con moitos ríos como o Putumayo, o Yapura, Meta e o Guaviare que flúen ó río Orinoco ou ó río Amazonas. Colombia tamén ten varias pequenas illas no océano Atlántico e no Pacífico.
O clima local é quente ó longo de ambas as costas e nas chairas orientais, mentres que as serras e as terras altas poden ser bastante frías. A cidade máis grande de Colombia é a súa capital Bogotá, outras cidades principais son Medellín, Cali, Cartagena, Barranquilla, Ibagué, Manizales, Pasto, Cúcuta, Bucaramanga e Santa Marta.
Rexións Xeográficas Naturais e Culturais de Colombia [editar]
Os Departamentos Colombianos están á súa vez agrupados nas seguintes rexións xeográficas naturais e culturais:
Mapa das Rexións Xeográficas Naturais
.png)
Goberno e Política [editar]
Colombia é un Estado Social de Dereito, unha república onde o poder executivo domina a estrutura de goberno. O presidente, elixido xunto co vicepresidente por voto popular durante catro anos, funciona tanto como xefe de estado como a testa do goberno.
O parlamento bicameral de Colombia é o Congreso que está constituído polo Senado, de 102 escanos, elixidos en circunscrición nacional, e pola Cámara de Representantes, de 166 escanos, elixidos en representación proporcional á poboación de cada departamento e do Distrito Capital, 5 deles son elixidos por sectores minoritarios (indíxenas, afrocolombianos, minorías políticas e colombianos no exterior). Os membros de ambas as cámaras son elixidos por voto popular por períodos de catro anos. O sistema xudicial colombiano experimentou reformas significativas na década dos noventa.
Vexa tamén: Lista de presidentes de Colombia
Organización político-administrativa [editar]
Colombia divídese político-administrativamente en 32 departamentos e 1 distrito capital(*) que depende administrativamente do departamento de Cundinamarca:
Partidos Politicos [editar]
Partido Liberal, Partido Conservador,Movemento Obreiro Independente e Revolucionario, Partido Socialista dos Traballadores, Fronte pola Defensa do Folklore Andino Colombiano (PDFAC), Polo Democrático Independente e Alternativo(PDI), Convergencia Cidadana, Novo Liberalismo Ardilista, Nova Forza Democrática,(FILA)Fronte de Esquerda Liberal Autentico,(FLIP) Fronte de Liberalismo Independente de Piedecuesta, Cambio Radical.
Economía [editar]
Véxase: Economía de Colombia.
Demografía [editar]
A diversidade étnica en Colombia é o resultado da mestura de amerindios indíxena, colonos españois, e escravos africanos, producindo unha mestura de mestizos (o 48 %), brancos (o 30 %), mulatos (o 14 %), negros (o 4 %), e negro-amerindios (o 3 %). Hoxe, só aproximadamente o 1 % da poboación pode identificarse como totalmente amerindia sobre a base de lingua. A relixión predominante en Colombia é o catolicismo romano.
Colombia é o terceiro país máis poboado en América Latina, despois de Brasil e México. O movemento de poboación rural a áreas urbanas foi moi forte. A poboación urbana medrou do 57 % da poboación total en 1951 a aproximadamente o 74 % en 1994. Trinta cidades teñen unha poboación de 100,000 o máis habitantes. Os nove departamentos de terras baixas do leste, constituíndo aproximadamente o 54 % da área de Colombia, teñen menos do 3 % da poboación e unha densidade de menos dunha persoa por quilómetro cadrado.
Cultura [editar]
Literatura [editar]
- Gabriel García Márquez, premio Nobel de Literatura en 1982.
- Anabel Torres, poetisa e tradutora.
Deportes [editar]
Notas [editar]
- ↑ PNUD. "Human development indices 2008". http://hdr.undp.org/en/media/HDI_2008_EN_Tables.pdf.
- ↑ "Constitución Política de Colombia 1991" (en español). http://www.cna.gov.co/cont/documentos/legislacion/constitucion.pdf. Consultado o 09/05/2008. "Artigo 1º.- Colombia é un Estado social de dereito, organizado en forma de República unitaria, descentralizada, con autonomía das súas entidades territoriais, democrática, participativa e pluralista, fundada no respeto da dignidade humana, no traballo e a solidariedade das persoas que a integran e na prevalencia do interese xeral."*"Constitución de 1886" (en español). http://www.cervantesvirtual.com/servlet/SirveObras/68062733439359617422202/p0000001.htm#I_2_. Consultado o 24/05/2008. "Artigo 1.- A Nación Colombiana reconstitúese en forma de República unitaria."
Véxase tamén [editar]
Outros artigos [editar]
Ligazóns externas [editar]
- PEC - Portada oficial do goberno (En español)
- Casa de Nariño - Sitio oficial do presidente (En español)
| Países do mundo | América do Sur |
| Arxentina - Bolivia - Brasil - Colombia - Chile - Ecuador - Güiana - Paraguai - Perú - Suriname - Uruguai - Venezuela |
| Países con parte do seu territorio en América do Sur |
