Aeroporto de Madrid-Barajas
Na Galipedia, a Wikipedia en galego.
O Aeroporto de Madrid-Barajas é o principal aeroporto de España. Construído sobre un campo de leitugas inaugurouse no ano 1931.
É o principal aeroporto de España e o que ten o maior número de voos directos a Hispanoamérica de todos os aeroportos europeos. A ruta aérea Madrid-Barcelona, coñecida como "ponte aérea" e que ten un dos seus extremos en Madrid-Baraxas e no outro o Aeroporto de Barcelona, é a que ten maior número de voos á semana de todo o mundo.
En 2007 viaxaron polo aeroporto 52,1 millóns de pasaxeiros, situándose no décimo posto a nivel mundial e o cuarto de Europa por número de pasaxeiros.
