Aeroméxico

Na Galipedia, a Wikipedia en galego.
Boeing 767 de Aeroméxico

Aeroméxico é a aeroliña máis grande de México con sede no areoporto internacional da Cidade de México. É a única aeroliña iberoamericana con destinos en Asia e voa tamén a Estados Unidos, Canadá, iberoamericano e Europa. É membro fundador da SkyTeam Alliance.

Historia[editar | editar a fonte]

Aeronaves de México foi fundada en 1934 por Antonio Díaz Lombardo. O primeiro avión foi un Stinson SR, tripulado polo piloto Julio Zinser, o cal protagonizou o voo inaugural na ruta Cidade de México-Acapulco o día 14 de setembro de 1934. A escaseza de avións, motores e repostos provocada pola Segunda Guerra Mundial, obrigou a Antonio Díaz a buscar un socio no medio aeronáutico e o 30 de abril de 1941 Aeronaves de México vendeu a Pan American o 25% das súas accións.

En 1955 a empresa tiña oficinas en 21 cidades do país e dúas nos Estados Unidos. A súa frota estaba formada por 15 avións (12 eran DC-3, dous DC-4 e un C-47 cargueiro) e pouco despois incorporarían catro Convair. En 1957 obtivéronse permisos para voar as rutas Cidade de México-Nova York e Acapulco-Los Angeles. No mesmo ano, accionistas mexicanos recuperaron as accións en poder de Pan American e dous anos despois, o goberno federal adquiríu por decreto todas as accións e bens de Aeronaves de México.

En 1964 Aeronaves contaba con xa con 2.980 empregados e ofrecía servizo a 32 cidades da República, así como voos a cidades de Estados Unidos, Europa, Canadá e Sudamérica.

En 1982, a crise económica elevou a débeda en dólares do sector aeronáutico e dificultou as operacións nesa moeda. Os pasaxeiros internacionais diminuíron un 27% e un 7% os nacionais. O 15 de abril de 1988 comezou en Aeronaves de México unha folga que derivou na quebra da empresa e a suspensión das operacións.

O 1 de outubro de 1988 naceu Aerovías de México, S.A. de C.V., conservando o nome comercial de Aeroméxico e o emblema do cabaleiro aguia. A aeroliñea comezou as súas operacións con 25 avións e un plantel duns 3.500 empregados. As prioridades da empresa foron consolidar o negocio e lograr estándares de puntualidade, confiabilidade, coidado no manexo de equipaxe e servizo, para conquistar a preferencia do público.

A mediados de 1995, despois dun fraude de 75 millóns de dólares polo Director Xeral Gerardo de Prevoisin, Aeroméxico fíxose con parte da Corporación Internacional de Transporte Aéreo (CINTRA) xunto a Mexicana. En 1996 empezou un código compartido con Delta Air Lines e Air France, e en 2000 converteuse en membro de SkyTeam Alliance.

Frota[editar | editar a fonte]

Frota de Aeroméxico en xaneiro do 2011[1].

Frota de Aeroméxico
Avión Total Pasaxeiros Rutas Notas
Boeing 737-700 28 124 México, Perú e Estados Unidos
Boeing 737-800 10
(1 pedido)
150 México e Estados Unidos
Boeing 767-200ER 4 181 Europa, Monterrey e Sudamérica
Boeing 767-300ER 2 209 (18/191) Europa e Sudamérica
Boeing 777-200ER 4 277 Brasil, Europa, China, Xapón e Tijuana
Boeing 787-8 (3 pedidos) Entrada en servizo no 2011
Servizos internacionais de longo alcance
McDonnell-Douglas MD-88 1

Aparellos retirados[editar | editar a fonte]

Notas[editar | editar a fonte]

Ligazóns externas[editar | editar a fonte]

Páxina de Aeroméxico

Commons
Commons ten máis contidos multimedia na categoría: Aeroméxico