Spanair

Airbus A321 de Spanair

Spanair S.A. foi unha aeroliña española que tivo a súa base no aeroporto de Barcelona. Ata o ano 2009 foi subsidiaria do SAS Group, a mesma compañía á que pertence Scandinavian Airlines. O 25 de xaneiro a aeroliña estaba nunha situación económica complicada e o goberno de Cataluña aprobou un plan de préstamo de 10,5 millóns de euros para intentar salvala. A compñía reducíu custes e os ingresos melloraron, pero o 27 de xaneiro de 2012 cesou todas as súas operacións despois de que non se conseguise chegar a un acordo de rescate con Qatar Airways- Spanair foi membro de Star Alliance dende 2003 ata a súa desaparición.

Características

Operou voos de pasaxeiros entre España e Europa, estendendo as súas operacións ao oeste de África. Realizou tamén vóos charter a todo o mundo para compañías de viaxes. A súa base principal estivo en El Prat de Barcelona, con centros de conexión no aeroporto madrileño de Barajas, e no aeroporto de Son Sant Joan. É membro da alianza de aeroliñas Star Alliance.

Historia

Spanair fundouse en decembro de 1986 e comezou as súas operacións en marzo de 1988. Foi creada como unha empresa conxunta entre SAS e Viajes Marsans e os seus primeiros servizos foron vóos chartes europeos. Os vóos de longo percorrido aos Estados Unidos, Mexico e a República Dominicana comezaron en 1991, seguidos por vóos domesticos en marzo de 1994. A aeroliña fixo tamén vóos de longo percorrido, co avión Boeing 767-300, a Washington D.C. e Bos Aires a finais dos 90. Spanair uníuse á Star Alliance en 2003. Actualmente os donos da compañía son o SAS Group (94,9%) e o Grupo Marsans (5,1%). Ten 2.535 empregados.

Flota

En xaneiro do ano 2011 a frota de Spanair estaba formada por 32 avións, cunha idade media de 11,6 anos.

Frota de Spanair

Avión	Total	Pasaxeiros	Notas
Airbus A320-200	19	156 - 180
Airbus A321-200	5	212
Boeing 717-200	1
McDonnell Douglas MD-82	1	120 - 170
McDonnell Douglas MD-83	3
McDonnell Douglas MD-87	3