San Sebastián de los Reyes

Na Galipedia, a Wikipedia en galego.
Praza da Constitución de San Sebastián de los Reyes.

San Sebastián de los Reyes é un municipio español da Comunidade de Madrid situado a 20 quilómetros ao norte da capital española, Madrid. É popularmente coñecido como «Sanse» e debido aos encerros das súas festas, tamén é coñecida como "A Pamplona chica".

Xeografía[editar | editar a fonte]

San Sebastián de los Reyes e Alcobendas desde un avión. Poden verse tamén a Dehesa Boyal e a Nacional I.

A localidade atópase ao pé do Parque Rexional da Cuenca Alta del Manzanares. O termo municipal é cruzado por varios arroios: Valconejero, Quiñones, de la Vega, Valdelamasa e El Bodonal; todos eles, afluentes do río Jarama, que tamén discorre polo seu termo municipal.

O municipio de San Sebastián de los Reyes limita ao sur con Alcobendas, separados tan só por unha rúa, a Avenida de España. Ao oeste limita con Madrid, ao norte con Colmenar Viejo e ao leste con Algete, Cobeña e Paracuellos del Jarama.

Destaca a súa complexa orografía, con notables desniveis desde os seus puntos máis baixos, na limítrofe Avenida de España a 705 metros (val do antigo Arroio de Entrepueblos) e os máis altos, nos que fosen os cerros do Caravel (no casco histórico) e Santa Bárbara (Praza de Andrés a 730 metros). O punto máis alto do municipio está a 780 metros na Dehesa Boyal.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: San Sebastián de los Reyes Modificar a ligazón no Wikidata