Metro

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Metro patrón en platino iridiado

O metro é a unidade fundamental de lonxitude, pertencente ó Sistema Internacional de Unidades. Definiuse como a distancia marcada nunha barra de platino e iridio conservada no Museo de Pesas e Medidas de Sévres, en París ou tamén como a 10.000.000 parte do cadrante do meridiano terrestre, mais actualmente, o metro defínese como a lonxitude do traxecto percorrido pola luz no baleiro durante un intervalo de tempo de 1/299 792 458 de segundo (Unidade de Base ratificada pola 17ª CGPM - 1983.)

A palabra metro provén do grego metron (μέτρον), e posteriormente foi convertida nunha medida en Francia coa palabra mètre.

Dá orixe a diversas unidades compostas ou derivadas, como:

Múltiplos e submúltiplos[editar | editar a fonte]

No Sistema Internacional de Medidas (SI) son usados múltiplos e divisións do metro:

1 metro equivale a
10-24 yottámetros 101 decímetros
10-21 zettámetros 102 centímetros
10-18 exámetros 103 milímetros
10-15 petámetros 106 micrómetros
10-12 terámetros 109 nanómetros
10-9 gigámetros 1010 ångströms
10-6 megámetros 1012 picómetros
10-4 miriámetros 1015 femtómetros
10-3 quilómetros 1018 attómetros
10-2 hectómetros 1021 zeptómetros
10-1 decámetros 1024 yoctómetros

Equivalencias[editar | editar a fonte]

Historia da definición do metro[editar | editar a fonte]

A liña do tempo amósanos como foi mudando a definición do metro en distintas épocas:
  • 20 de outubro de 1960: defínese ao metro como 1.650.763,73 oscilacións no baleiro de onda da radiación emitida polo salto cuántico entre 2p10 e 5d5 dun átomo de 86cripton.
  • 30 de marzo de 1791: defínese ao metro como a dez millonésima parte dun meridiano dentro dun cadrante (un cuarto da circunferencia polar da terra).
  • 8 de maio de 1790: defínese ao metro coa distancia percorrida por un péndulo determinado que ten un hemiperíodo dun segundo.

Ligazóns externas[editar | editar a fonte]