Miquel Crusafont i Sabater

Na Galipedia, a Wikipedia en galego.
Miquel Crusafont
i Sabater
Miquel Crusafont i Sabater
Datos persoais
Nacemento1942
Lugar Sabadell
Cataluña
España
ResidenciaBarcelona
NacionalidadeEspañola
Actividade
CampoNumismática, historiografía, museoloxía, enxeñaría industrial
Alma máter- Universidade Autónoma de Barcelona.
- Universidade Politécnica de Cataluña.
Contribucións e premios
Coñecido porEstudos de numismática medieval de Cataluña.
Premios- Jeton de Vermeil da Société française de numismatique (2003).
- Premio Conde Garriga da Asociación Numismática Española.
- Creu de Sant Jordi (2017).
Membro honorario de:
- Associaçao Numismática de Portugal.
- Società Numismatica Sarda
- Centre National de Recherche sur les Jetons et les Mereaux du Moyen Âge.
editar datos en Wikidata ]

Miquel Crusafont i Sabater, nado en 1942 en Sabadell, Barcelona, enxeñeiro industrial pola Universidade Politécnica de Cataluña e doutor en Historia pola Universidade Autónoma de Barcelona, con diploma en museoloxía da Generalitat de Cataluña, foi director do Museo de Historia de Sabadell. Como historiador, investigador e coleccionista está especializado nas áreas de numismática e medallística, especialmente na moeda catalá medieval, asunto no que está considerado como un salientable especialista.[1][2][3]

Traxectoria[editar | editar a fonte]

En 1996 foi nomeado presidente da Societat Catalana d'Estudis Numismàtics, e tanmén se ocupou da dirección da revista Acta Numismática, o órgano de comunicación dos seus membros.

Como numismático, destaca a súa participación no programa internacional Survey of Numismatic Research, do Consello Internacional de Numismática e desenvolvido no seo dos Congresos Internacionais de Numismática, así como noutras iniciativas como Une monnaie pour l'Europe (Bruxelas), I goti (Milán) e Medieval European Coinage (Cambridge).

Crusafont publicou quince libros e máis de tres centos de artigos, especialmente sobre a historia da moeda medieval e moderna.[4]

Recoñecementos[editar | editar a fonte]

Miquel Crusafont foi premiado en 2003 co Jeton de Vermeil pola Société Française de Numismatique (París) e en dúas ocasións co premio Conde Garriga da Asociación Numismática Española.[5]

O día 11 de abril de 2017, o Goberno da Generalitat de Catalunya concedeulle a Creu de Sant Jordi.[6]

Ademais, é membro honorario da Associaçao Numismática de Portugal (Lisboa), da Società Numismatica Sarda (Sassari) e do Centre National de Recherche sur les Jetons et les Mereaux du Moyen Âge (Versalles).[7]

Publicacións[editar | editar a fonte]

Esta é unha listaxe das monografías publicadas por Miquel Crusafont, por orde cronolóxica:

Notas[editar | editar a fonte]

  1. Prat Fernàndez, C. "Miquel Crusafont. Un erudit fet a partir de la passió per la història de la moneda". En Vallesos, 13. Primavera-verán de 2017. Páxinas 26-28. ISSN: 2014-1882.
  2. "Miquel Crussafont: passió per les monedes Arquivado 05 de novembro de 2018 en Wayback Machine.". Fundació d'Estudis Històrics de catalunya.
  3. "La colección Crusafont". En Blog numismático Ruiz Calleja.
  4. "Miquel Crusafont i Sabater". En Gran Enciclopèdia Catalana.
  5. "Médaille et jeton de vermeil". Société Française de Numismatique.
  6. "El Govern distingeix amb la Creu de Sant Jordi 29 personalitats i 23 entitats Arquivado 05 de novembro de 2018 en Wayback Machine.". Generalitat de catalunya.
  7. "Comité Scientifique de soutien au centre. Correspondants internationaux (Membres d'honneur nommés par le Conseil d'Administration)". No sitio web do Centre National de Recherche sur les Jetons et les Mereaux du Moyen Âge.

Véxase tamén[editar | editar a fonte]

Ligazóns externas[editar | editar a fonte]