Shpresa Gjongecaj

Na Galipedia, a Wikipedia en galego.
Shpresa Gjongecaj
Datos persoais
Nacemento6 de febreiro de 1952
LugarFlag of Tirana.svg Tirana
Flag of Albania.svg Albania
NacionalidadeAlbanesa
Actividade
CampoNumismática e arqueoloxía.
Alma máterUniversity of Tirana logo.svg Universidade de Tirana
Director de teseSelim Islami.
Contribucións e premios
Premios2020: Jeton de Vermeil (SFN).
editar datos en Wikidata ]

Shpresa Gjongecaj Vangjeli, nada o 6 de febreiro de 1952 en Tirana, é unha arqueóloga e numismática albanesa.[1]

Traxectoria[editar | editar a fonte]

Shpresa Gjongecaj ingresou na Facultade de Filoloxía da Universidade de Tirana en 1969 e graduouse en Linguas clásicas (latín e grego antigo) en 1973. Posteriormente recibiu formación de especialización en numismática con Olivier Picard na Sorbona (París IV) e na Escola Francesa de Atenas, con Michel Amandry no Gabinete de Medallas de París e con Giovani Gorini na Universidade de Padua, entre outras institucións académicas. En 1983 acadou o seu doutoramento cunha tese titulada "Moedas de cidades ilirias", baixo a dirección de Selim Islami.[1]

Desde 1974 está vinculada profesionalmente ao Instituto Arqueolóxico Albanés. Entre 1999 e 2007 foi a xefa do seu Departamento de Antigüidades, e de 2008 a 2013 exerceu o cargo de directora da institución.[1][2]

Gjongecaj é tamén profesora de numismática na Universidade de Tirana e participou en diversas expedicións arqueolóxicas.[1]

Entre outros encontros internacionais, cómpre salientar a súa participación nos Congresos Internacionais de Numismática de Bruxelas (1991) e de Berlín (1997), organizados polo Consello Internacional de Numismática.[1]

Recoñecementos[editar | editar a fonte]

Publicacións[editar | editar a fonte]

Esta é unha escolma da prodicón bibliográfica de Shpresa Gjongecaj ao longo da súa traxectoria:[4][5][6][7]

Monografías[editar | editar a fonte]

  • (2015). Thesare me monedha antike të gjetura në Shqipëri (shek. V-I p.Kr) [""Tesouros de moedas antigas achados en Albania (séculos V-I a.C)"]. Tirana. ISBN 978-9928-147-30-1
  • (2019). Trésors de monnaies antiques trouvés en Albanie (Ve-Ier siècle av. J.-C.) (con O. Picard). École française d'Athènes, Atenas. ISBN 9782869583153[8]

Artigos[editar | editar a fonte]

Notas[editar | editar a fonte]

  1. 1,0 1,1 1,2 1,3 1,4 "Curriculum Vitae: Shpresa Gjongecaj-Vangjeli". Akademia e Studimeve Albanologjike (Asa.edu.al)
  2. "Gjongecaj, Shpresa". BNF Catlogue général.
  3. "Médaille et jeton de vermeil". Société Française de Numismatique (SFN).
  4. "Gjongecaj, Shpresa". WorldCat Identities.
  5. "Gjongecaj, Shpresa". Persee.fr
  6. "Gjongecaj, Shpresa". Digital Library Numis.
  7. "Shpresa Gjongecaj Vangjeli". Academia.edu
  8. Recensión da obra por A. Meadows. En Bryn Mawr Classical Review (2021).