Kevin Butcher

Na Galipedia, a Wikipedia en galego.
Saltar ata a navegación Saltar á procura
Kevin Butcher
-Kevin Edward Templar Butcher-
Datos persoais
Nacemento20 de novembro de 1961
LugarCoat of Arms of the City of Hereford (modern).png Hereford
Arms of Herefordshire County Council.svg Herefordshire.
Flag of England.svg Inglaterra.
NacionalidadeFlag of the United Kingdom.svg Británica
Actividade
CampoNumismática e historiografía
Alma máterArms of the University of Bristol.svg Universidade de Bristol.
UCL Crest.svg University College London.
Contribucións e premios
Coñecido porEstudos de numismática romana.
Premios2018: Jeton de Vermeil (SFN).
editar datos en Wikidata ]

Kevin Edward Templar Butcher, nado en Hereford, Inglaterra, é un historiador e numismático británico especializado na moeda e a economía do Oriente Próximo na época Romana.

Traxectoria[editar | editar a fonte]

Logo de completar a súa educación secundaria en Hereforde, ao oeste de Inglaterra, Kevin Butcher graduouse na Universidade de Bristol en 1983 e posteriormente trasladouse ao University College de Londres, onde acadou, no seu Institute of Archaeology, o seu doutoramento en 1991 cunha tese acerca das emisións monetarias da Siria romana.[1][2][3]

En 1988, ano da publicación do seu primeiro libro[4], ingresou no Departamento de Moedas e Medallas do Museo Fitzwilliam, da Universidade de Cambridge. Posteriormente, logo dunha etapa como investigador en Inglaterra cunha bolsa Leverhulme Trust, trasladouse a Beirut, no Líbano, para exercer como profesor asociado no departamento de Historia e Arqueoloxía na American University (1995-2007). Nesa cidade estivo, ademais, moi involucrado nas escavacións internacionais no seu distrito central.[3]

Dsde 2007 é profesor titular no departamento de Mundo Clásico e Historia Antiga na Universidade de Warwick.[2][3]

O seu campo de investigación en materia numismática céntrase nas cuñaxes do Oriente Próximo romano, aínda que abrangue tamén aspectos como a economía romana, as técnicas de produción monetaria e o aspecto sociolóxico da moeda.[2] Nos seus estudos máis salientables ocúpase da moeda da Antiga Grecia e na da Antiga Roma, sinaladamente as cuñaxes cívicas e a moeda provincial romana, e tamén da moeda helenística e na romana das costas de Siria e do Líbano. [3]

En 2019 recibiu unha das presixiosas bolsas AHRC para o desenvolvemento do proxecto Rome and the Coinages of the Mediterranean (RACOM), no que se investiga a metalurxia das moedas imperiais e provinciais romanas de prata desde Septimio Severo a Valeriano e Galieno, cunha duración de cinco anos.[3]

Publicacións[editar | editar a fonte]

Butcher é autor dun bo número de artigos, publicados nas principais revistas numismáticas e arqueolóxicas, como Numismatic Chronicle, Revue Belge de Numismatique, Rivista Italiana di Numismatica, Oxford Journal of Archaeology, etc. Esta é unha escolma dos seus traballos monográficos máis salientables:[5][6][7][8]

  • (1988). Roman Provincial Coins: an introduction to the Greek Imperials. Spink & Son, Londres. ISBN 978-1852640101
  • (1991). This is my image: the use of portraits in the World of Greece and Rome (con D. V. J. Gill). Sutton, Gloucester. ISBN 9780862997748
  • (2003). Roman Syria and the Near East. Paul Getty Trust Publications. ISBN 978-0892367153
  • (2003). Small Change in Ancient Beirut. The Coin Finds from BEY 006 and BEY 045: Persian, Hellenistic, Roman, and Byzantine Periods. American University of Beirut.
  • (2004). Coinage in Roman Syria. Northern Syria, 64 BC - AD 253. Royal Numismatic Society, Londres. Special Publication, 34. ISBN 9780901405586
  • (2015). The Metallurgy of Roman Silver Coinage. From the Reform of Nero to the Reform of Trajan (con Matthew Ponting). Cambridge University Press. ISBN 9781107027121
  • (2017). Regional History and the Coin Finds from Assur (con S. Heidemann). Harrassowitz Verlag, Wiesbaden. ISBN 978-3447107617
  • (2020). Debasement: manipulation of coin standards in pre-modern monetary systems. Oxbow Books, Oxford. ISBN 9781789254013

Recoñecementos[editar | editar a fonte]

Notas[editar | editar a fonte]

  1. Publicada en 2004. Véxase (2004) en "Publicacións".
  2. 2,0 2,1 2,2 2,3 "Jeton de vermeil 2018 – M. Kevin Butcher". SFN.
  3. 3,0 3,1 3,2 3,3 3,4 "Professor Kevin Butcher". Classics and Ancient History. University of Warwick.
  4. Véxase (1988) en "Publicacións".
  5. "Kevin Butcher". Academia.edu
  6. [1]"Butcher, Kevin Edward Templar[Ligazón morta]". Digital Library Numis.
  7. "Butcher, Kevin". WorldCat.
  8. "Professor Kevin Butcher. Recent Publications". Classics and Ancient History. University of Warwick.
  9. "Médaille et jeton de vermeil". Société Française de Numismatique (SFN).