Baiona

Para outras páxinas con títulos homónimos véxase: Baiona (homónimos).

Baiona
Panorámica do porto de Baiona.
Situación
Xentilicio	baionés / baionesa
Xeografía
Provincia	Provincia de Pontevedra
Comarca	Vigo
Poboación	12.258 hab. (2011)
Área	34,5 km²
Densidade	340,6 hab./km²
Entidades de poboación	49
Capital do concello	Baiona
Política (2011)
Alcalde	Jesús Vázquez Almuíña (PP)
Concelleiros	BNG: 2 PPdeG: 10 PSdeG-PSOE: 4 Outros: UPyD - 1
Eleccións municipais en Baiona
Uso do galego (2001)
Galegofalantes	93,35 %
Sitio web oficial
www.baiona.org

Baiona é un concello da provincia de Pontevedra, pertencente á comarca de Vigo. Segundo o IGE en 2010 tiña 12.154 habitantes. O seu xentilicio (véxase no Galizionario) é baionés.

Xeografía

Limita cos concellos de Nigrán, Gondomar e Oia. Diferéncianse dúas zonas, o interior, que se ergue até altitudes que superan os 600 m no Alto da Groba e no alto da Gabiñeira e a costa, bañada polo océano Atlántico e con outeiros que permiten enxergar a ría e as Illas Cíes. A parte norte desta é rochosa e nela atópanse illotes como Illa Carral e Illa Negra; na parte sur hai sobre todo praias.

Os ríos son todos pequenos, destacando o río da Groba, que serve de límite con Gondomar e o río Miñor, que desauga na ría. As temperaturas son suaves.

O 25 % da poboación vive na capital, Baiona.

Historia

O 7 de maio de 1201 o rei o rei galego-leonés Afonso IX concedeulle a Carta Póboa, na que se permite o troco de nome do primitivo núcleo Erizana a Baiona, e en 1495 Xoán II outorgoulle ao porto o privilexio, compartido coa Coruña, de carga e descarga de mercadorías procedentes do exterior. O 1 de marzo de 1493 a carabela Pinta, capitaneada por Martín Alonso Pinzón, logo de extraviarse no medio do Atlántico, tocou porto por primeira vez aquí ao regreso da primeira viaxe de Colón.

Demografía

Evolución da poboación de Baiona - desde 1900 ata 2011 -
1900	1930	1950	1981	2004	2009	2011
4.423	5.596	6.420	9.702	11.337	12.154	12.258
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Economía

A economía de Baiona está orientada cara ao turismo, destacando o Parador Nacional de Baiona, así como o comercio minorista. A agricultura é de autoconsumo, se ben tamén se venden localmente os produtos da horta. Hai pesca de baixura e marisqueo.

As empresas son do sector da alimentación, os transformados metálicos e a madeira e destaca a construción.

Galería de imaxes

Artigo principal: Galería de imaxes de Baiona.

• 

  Cabo Silleiro.

• 

  Casa do concello.

• 

  Porto de Baiona.

• 

  Castelo de Monterreal.

Lugares de Baiona

Para unha lista completa de todos os lugares do concello de Baiona vexa: Lugares de Baiona.

Véxase tamén

Concellos da Comarca de Vigo
Baiona	Fornelos de Montes	Gondomar	Mos	Nigrán	Pazos de Borbén	O Porriño	Redondela	Salceda de Caselas	Soutomaior	Vigo