Soutomaior
| Soutomaior | |
|---|---|
 |
|
 |
|
| Castelo de Soutomaior | |
| Situación | |
 |
|
| Xentilicio[1]: | Soutomaiorense |
| Xeografía | |
| Provincia: | Provincia de Pontevedra |
| Comarca: | Vigo |
| Poboación: | 6.867 hab. (2009) |
| Área: | 25,0 km² |
| Densidade: | 261,48 hab./km² |
| Entidades de poboación: | 2 parroquias |
| Capital do concello: | Soutomaior |
| Política (2011) | |
| Alcalde: | Agustín Reguera Ocampo (PPdeG) |
| Concelleiros: | BNG: 3 PPdeG: 9 PSdeG-PSOE: 1 Outros: - |
| Eleccións municipais en Soutomaior | |
| Uso do galego[2] (2001) | |
| Galegofalantes: | 97,45 % |
| Sitio web oficial | |
| http://www.soutomaior.com/index_gal.html | |
Soutomaior é un concello da Provincia de Pontevedra, pertencente á Comarca de Vigo. Segundo o INE, no ano 2009 tiña 6.867 habitantes. O seu xentilicio (véxase no Galizionario) é Soutomaiorense.
Índice |
[editar] Xeografía
Soutomaior localízase entre a Serra do Suído e a Ría de Vigo, atravesado polo río Oitavén. Este entra no concello encaixado até unirse co río Verdugo en Ponte da Barca, no Salto do Inferno, e logo os dous xuntos desembocan na enseada de San Simón.
O clima é oceánico, húmido na costa e de montaña no interior. Chove bastante (1.500 mm.), se ben non venta demasiado, co que a temperatura media no verán non supera os 20°C e a do inverno non baixa dos 10°C.
[editar] Economía
Ainda que mantén un carácter rural, a proximidade de Vigo provoca que o sector primario roce só o 10 % da poboación activa e diminúa rapidamente. Do mar extráense ameixas, berberechos e ostras.
Tamén diminúe o sector secundario (35 % da poboación), que mostra dependencia de desprazamentos diarios a Pontevedra e Vigo. A metade da poboación dedicada ao sector terciario faino no comercio minorista, empresas de transportes e restaurantes.
[editar] Historia
A historia do territorio durante a Idade Media xira en volta do castelo de Soutomaior e da familia que o fundou, especialmente Pedro Álvarez de Soutomaior (Pedro Madruga), que se enfrontou aos irmandiños e loitou na guerra dinástica que precedeu o reinado dos Reis Católicos.
[editar] Patrimonio
O castelo de Soutomaior, no monte Viso, foi construído no século XII e transformouse no XV nunha fortaleza medieval parcialmente destruída durante a revolta irmandiña.
No monte da Peneda houbo un castro, do que se conservan restos de tres vivendas e a muralla. Na idade media construíuse alí a fortaleza de Castrizán, derrubada en 1478 durante a Gran Guerra Irmandiña. Posteriormente construíuse o santuario da Virxe das Neves, tamén chamada capela da Peneda. Nela celébranse dúas romarías anuais: o luns de pascua e o 5 de agosto.
En Aranza atópase o santuario da Virxe da Pena de Francia, construído en 1788.
A igrexa de Santiago de Arcade é románica e conserva unha interesante portada e capiteis. Na parroquia de Arcade hai 8 cruceiros (adro parroquial, O Calvario, rúa Leiras, rúa Valmonte, Negueirós, rúa do Calacual, capela da Peneda e Cimadevila) e 2 petos de ánimas (A Cacharela e A Devesa)[3].
Na parroquia de Soutomaior hai 6 cruceiros (adro, cemiterio, As Laxes, Moreira, santuario da Virxe da Pena de Francia e Cortellas), 7 cruces, un peto de ánimas e un esmoleiro.
-Adeus, meu compañeiro, e deica a feira de Soutomaor.
(Na feira de Soutomaor había mercado de coiros)
.
[editar] Lugares de Soutomaior
Para unha lista completa de todos os lugares do concello de Soutomaior vexa: Lugares de Soutomaior.
[editar] Parroquias
| Galicia | Provincia de Pontevedra | Parroquias de Soutomaior | |
|---|---|
[editar] Galería de imaxes
- Artigo principal: Galería de imaxes de Soutomaior.
-
Estatua dunha mariscadora, obra do artista local Carlos Tesouro, nos xardíns do Peirao de Arcade.
-
Galería das damas do Castelo
-
Casa do concello
[editar] Notas
- ↑ Véxase no Galizionario.
- ↑ Datos de 2001 publicados en 2004.
- ↑ Fernández de la Cigoña Núñez, E.: Cruces, cruceiros e petos do concello de Soutomaior. AGCE, 2007
