Pontecesures

Na Galipedia, a Wikipedia en galego.

Coordenadas: 42°43′13.06″N 8°39′14.43″W / 42.7202944°N 8.6540083°W / 42.7202944; -8.6540083

Pontecesures
Escudo de Pontecesures
Casa concello Pontecesures.jpg

Casa do concello.
Situacion Pontecesures.PNG
Situación
Xentilicio[1] cesureño
Xeografía
Provincia Provincia de Pontevedra
Comarca Comarca de Caldas
Poboación 3.145 hab. (2009)
Área 6,7 km²
Densidade 469,4 hab./km²
Entidades de poboación 1 parroquia
Política (2011)
Alcalde Luís Álvarez Angueira
Concelleiros BNG: 4 concelleiros
PPdeG: 2 concelleiros
PSdeG-PSOE: 1 concelleiro
Outros: ACP/IP/TEGA - 1/2/1 concelleiros
Eleccións municipais en Pontecesures
Uso do galego[2] (2001)
Galegofalantes 91,52%
Na rede
http://www.pontecesures.org/

Pontecesures é un concello da provincia de Pontevedra, pertencente á comarca de Caldas, Segundo datos do IGE en 2009 tiña 3.145 habitantes. O xeu xentilicio (véxase no Galizionario) é «cesureño».

Poboación[editar | editar a fonte]

Censo total (habitantes) 3.123
Menores de 15 anos 425 (13,61 %)
Entre 15 e 64 anos 2.203 (70,54 %)
Maiores de 65 anos 495 (15,85 %)

Xeografía[editar | editar a fonte]

Atópase na ribeira do río Ulla, fronte á poboación de Padrón (provincia da Coruña). Ten 6,7 km²,e abrangue unha soa parroquia.

Historia[editar | editar a fonte]

Consérvanse varios petróglifos. A Pedra das Serpes, en Camporredondo, ten varios círculos e labirintos.

Da cultura castrexa consérvanse varios poboados castrexos. Castro Cortinallas está na Calera, preto do río. O Castro, no barrio do mesmo nome, está nunha finca privada. Castro Cesures estaba no lugar que ocupa hoxe o antigo cemiterio e a igrexa de San Xulián. Castro Valente era outro poboado da zona.

O lugar foi de sempre punto de paso. Trala romanización de Galicia construíuse unha ponte, mais a ponte romana orixinal foi destruída trala chegada dos musulmáns a comezos do século VIII. Foi reformada por última vez no século XVIII, e por ela pasa a actual estrada N-550.

Á beira da ponte había un peirao, onde se atoparon pontóns soterrados de madeira de carballo, xunto a cerámica e moedas romanas, desde as acuñadas en tempos de Tiberio a Constantino III. Amais, acháronse miliarios e lápidas romanas, e dúas aras adicadas unha a Lar, deus doméstico, e outra a Xúpiter; estas aras atópanse no Museo de Pontevedra.

No lugar construíuse a vila de Turris Augusti, entre o peirao e o Castro Cortinallas.

Idade media[editar | editar a fonte]

No século XII o bispo compostelán Diego Xelmírez (que nacera preto de Pontecesures, nas Torres do Oeste de Catoira) creou un estaleiro para construír tres naves, baixo a dirección do mestre carpinteiro Paolo de Nápoles, para combatir as incursións dos piratas berberiscos asentados nas illas Ons que atacaban buques procedentes de Inglaterra con peregrinos que facían a vía inglesa do Camiño de Santiago. Tempo despois construíronse outras dúas naves. Os buques participaron máis tarde a petición do rei Afonso VII no ataque á vila de Coímbra, entón en mans dos musulmáns, e despois na defensa das contra as naves normandas.

A mediados do século XV, en tempos do rei Henrique IV, era o único peirao habilitado para barcos de carga e descarga de toda a ría de Arousa. Até aquí chegaba a mercancía dirixida a Santiago de Compostela.

Idade contemporánea[editar | editar a fonte]

Até o século XIX as vilas de Pontecesures e Padrón estaban unidas administrativamente. Trala división territorial de España en 1833 a vila pasou a formar parte do concello de Valga. En 1881 o rei Afonso XII concedeu á parroquia de San Xulián de Requeixo o título de Vila de San Luís de Cesures.

No ano 1900 publicáronse na vila dous periódicos locais. La Verdad de Cesures e La Razón de Cesures.

En 1925 a burguesía local, formada por comerciantes e industriais, procurou formar un concello de seu. Asinouse o Pacto da Devesa cos representantes do concello de Valga, e en marzo dese ano iniciáronse as primeiras xestións para acadar a constitución de Pontecesures como concello independente. O 9 de outubro do ano 1925 elixiuse alcalde e formalizouse a creación do novo municipio.

Nas décadas de 1960 e 1970 o porto tivo grande importancia ao descargar aquí a area procedente do Ulla, destinada á construción. A comezos da década de 1980 completouse o dragado do río, o cal rematou coas crecidas do río, que desbordaba na curva da Ínsua e á altura da ponte.

Patrimonio[editar | editar a fonte]

A igrexa de San Xulián de Requeixo é de orixe románica, mandada construír por Diego Xelmírez sobre outra edificación anterior. De planta rectangular e nave única, está construída con pedra de sillería e con canzorros, cunha torre-campanario sobre a fachada.

Entre os cruceiros destacan o da Obra Pía de San Lázaro e o de Carreiras.

O pazo da Cova é do século XVIII. O Alfolí de Rendas do Tabaco foi construído durante o reinado de Carlos IV, e ten un grande escudo dos Borbóns. A Malatería de San Lois, na rúa Nova, estaba composta por 7 edificios rexentados pola Obra Pía de San Lázaro.

Economía[editar | editar a fonte]

En 1925 Eugenio Escudero Lastra formou a Cerámica Artística Gallega, que pasou a chamarse Cerámica Celta cando estivo dirixida por Ramón Dieguez Carles. Alí traballaron autores como Francisco Asorey, José Jamardo Grela Peteiro, Carlos Maside, Víctor García Lozano, Castelao, Oria Moreno, José María Acuña, Francisco Ferro, Antonio Fabeiro ou Carlos Bóbeda. A Cerámica Celta foi relanzada recentemente, reeditando as pezas máis destacadas da antiga produción.

En 1939 a empresa Nestlé estableceu unha fabrica de leite condensado.

Cultura[editar | editar a fonte]

A Foliada de Requeixo é un baile típico local, con tres parellas a ritmo de muiñeira lenta, coas mulleres levando sobre a cabeza tres doces (rosca, mollete, e torta).

Dentro da gastronomía local destaca a festa da lamprea, celebrada a última semana de abril. No Ulla péscase tamén o salmón.

Galería de imaxes[editar | editar a fonte]

Parroquias[editar | editar a fonte]

Galicia | Provincia de Pontevedra | Parroquias de Pontecesures

Pontecesures (San Xulián)

Lugares de Pontecesures[editar | editar a fonte]

Para unha lista completa de todos os lugares do concello de Pontecesures vexa: Lugares de Pontecesures.

Notas[editar | editar a fonte]

  1. Véxase no Galizionario.
  2. Datos de 2001 publicados en 2004.

Véxase tamén[editar | editar a fonte]

Commons
Commons ten máis contidos multimedia na categoría: Pontecesures Modificar a ligazón no Wikidata


Concellos da Comarca de Caldas Comarca de Caldas
Caldas de Reis
Caldas de Reis
Catoira
Catoira
Cuntis
Cuntis
Moraña
Moraña
Pontecesures
Pontecesures
Portas
Portas
Valga
Valga