Arbo
| Arbo | |
|---|---|
 |
|
 |
|
| Situación | |
 |
|
| Xentilicio[1]: | arbense |
| Xeografía | |
| Provincia: | Provincia de Pontevedra |
| Comarca: | Paradanta |
| Poboación: | 3.741 hab. (2011) |
| Área: | 42,9 km² |
| Densidade: | 90,37 hab./km² |
| Entidades de poboación: | 6 parroquias |
| Capital do concello: | Arbo |
| Política (2011) | |
| Alcalde: | Xavier Simón Fernández (BNG) |
| Concelleiros: | BNG: 3 PPdeG: 5 PSdeG-PSOE: 0 Outros: A.I.AR. - 3 |
| Eleccións municipais en Arbo | |
| Uso do galego[2] (2001) | |
| Galegofalantes: | 92,79 % |
| Sitio web oficial | |
| http://www.concellodearbo.org/ | |
Arbo é un concello da provincia de Pontevedra, pertencente á comarca da Paradanta. Segundo o INE en 2011 tiña 3.741 habitantes (4.121 en 2003). O seu xentilicio é arbense.
Índice |
[editar] Xeografía
O concello está bañado polo río Miño. Limita con Melgaço (Portugal) e cos concellos das Neves, A Cañiza e Crecente.
[editar] Historia
No concello apareceu unha machada neolítica, en Cabeiras, conservada no museo de Pontevedra. En San Xoán de Arbo existe un petróglifo, preto do río Miño.
O documento escrito máis antigo sobre Arbo e as súas terras é a concesión dun privilexio por parte do rei Afonso VII, que fai ao mosteiro de Melón unha doazón deste territorio. Consérvanse numerosos documentos posteriores en relación con outros privilexios e doazóns do mesmo mosteiro.
O enclave xeográfico que ocupa a zona, fronte á vila de Melgaço á outra banda do río, provocou que se vise directa ou indirectamente afectada por diferentes conflitos bélicos. Así, durante os séculos XVI e XVII tivo lugar a guerra de sucesión trala separación de Portugal da Coroa española con Filipe IV. Xa no século XIX, durante a Guerra da Independencia, en febreiro de 1809 tivo lugar un enfrontamento entre as tropas francesas e os veciños do lugar, que non foron quen de defender a ponte de Mourentán, un paso importante.
[editar] Patrimonio
A ponte de Mourentán é unha construción de cachotería do século XVIII, con arco oxival e rasante alomado. Cruza o río Deva, e formaba parte do antigo camiño real que unía Ribadavia con Salvaterra de Miño e Tui. Ten un só van, cunha luz de 12,4 m. Atópase en bo estado de conservación.
[editar] Economía
Nos últimos anos, a súa poboación decreceu considerabelmente a pesar de que algúns sectores económicos creceron. O máis espectacular foi o caso do cultivo e comercio de viño. Adegas sonadas teñen a súa base aquí (As Laxas, Marqués de Vizhoja, Bodegas Eidosela,...). Grazas á boa calidade do clima, conseguiuse unha variedade de albariño de alta calidade, que pertence ao Consello Regulador das Rías Baixas. Outro sector de importancia é o turismo rural. Existen tres casas de hospedaxe e unha manchea de restaurantes, especializados na lamprea, produto estelar do concello, que lle dedica a súa festa principal no mes de abril.
| Evolución da poboación de Arbo - desde 1900 ata 2009 - | |||||
| 1900 | 1930 | 1950 | 1981 | 2004 | 2009 |
| 5.267 | 5.245 | 6.442 | 5.037 | 4.018 | 3.877 |
| Fontes: INE e IGE
(Os criterios de rexistro censual variaron entre 1900 e 2004, e os datos do INE e do IGE poden non coincidir.) |
|||||
[editar] Galería de imaxes
- Artigo principal: Galería de imaxes de Arbo.
[editar] Lugares de Arbo
Para unha lista completa de todos os lugares do concello de Arbo vexa: Lugares de Arbo.
[editar] Parroquias
| Galicia | Provincia de Pontevedra | Parroquias de Arbo | |
|---|---|
|
Arbo (Santa María) | Barcela (San Xoán) | Cabeiras (San Sebastián) | Cequeliños (San Miguel) | Mourentán (San Cristovo) | Sela (Santa María) |
[editar] Notas
- ↑ Véxase no Galizionario.
- ↑ Datos de 2001 publicados en 2004.
[editar] Véxase tamén
|
|||||
|
|||||
