Barro

Para outras páxinas con títulos homónimos véxase: Barro (homónimos).

Barro
Casa do Concello.
Situación
Xentilicio	barrés - barrense
Xeografía
Provincia	Provincia de Pontevedra
Comarca	Comarca de Pontevedra
Poboación	3668 hab. (2011)
Área	37,6 km²
Densidade	97,55 hab./km²
Entidades de poboación	6 parroquias
Capital do concello
Política (2011)
Alcalde	José Antonio Landín Eirín (PP)
Concelleiros	BNG: 3 PPdeG: 6 PSdeG-PSOE: 2 Outros: 0
Eleccións municipais en Barro
Uso do galego (2001)
Galegofalantes	99,15%
Páxina web oficial
www.barro.es

Barro é un concello da provincia de Pontevedra, pertencente á comarca de Pontevedra. Segundo o IGE no ano 2009 tiña 3.583 habitantes (1.772 homes e 1.811 mulleres), o que representa un aumento respecto a 2005, cando contaba con 3.408 habitantes. O seu xentilicio (véxase no Galizionario) é barrés - barrense.

Evolución da poboación de Barro (desde 1900 ata 2012)
1900	1930	1950	1981	2004	2009	2011	2012
5.267	5.245	6.442	4.975	3.380	3.583	3.668	{{{8}}}
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Censo Total	3.724
Menores de 15 anos	491 (13.18%)
Entre 15 e 64 anos	2.408 (64.66%)
Maiores de 65 anos	825 (22.15%)

Xeografía

Limita cos concellos de Meis, Portas, Moraña e Pontevedra.

Historia

Os primeiros restos humanos datan da cultura castrexa, atopados no castro Bandufe e Monte da Chan(Agudelo). Coa romanización a zona comezou a cobrar importancia, ao estar atravesada de norte a sur pola vía XIX (Aquis celenis) do itinerario de Antonino.

Dita vía é paralela ou similar á vía portuguesa do camiño de Santiago e á estrada N-550.

Segundo o censo de Floridablanca, durante o antigo réxime as parroquias do actual concello de Barro pertencían á xurisdición de Peñaflor, na provincia de Santiago.

Trala constitución española de 1812 e a demarcación dos concellos, Barro pertenceu ao municipio de Trasumia e ao partido xudicial de Caldas de Reis. En 1822, cando Galiza pasou a ter 4 provincias, seguiu existindo o concello de Trasumia.

Foi suprimido polo Decreto de Fernando VII do 1 de octubro de 1823, que retomaba a organización do Antigo Réxime. O 23 de xullo de 1835 dispúxose por real Decreto a formación de novos concellos. O 23 de agosto de 1835 propúxose a creación do concello de Barro, con sete parroquias e 2.459 habitantes. Unha vez constituída a Deputación de Pontevedra, o 22 de xuño de 1836 propuxo que o concello de Barro tivese seis parroquias, pasando a de Romai ao concello de Portas. O concello quedou finalmente constituído no Boletín Oficial da Provincia do 3 de decembro de 1836.

A capital do concello estivo en Porráns até 1900, cando pasou a San Antoniño.

Cultura

Neste concello ten a súa sede a Banda de música Xuvenil de Barro, formada no ano 1992, que acadou éxitos e recoñecementos a nivel galego e español.

Patrimonio natural

Destaca o Parque da Natureza do Río Barosa, unha carballeira en desnivel pola que baixa a fervenza que forma o río Barosa, que se aproveitava antigamente mediante unha vintena de muíños, algúns deles rehabilitados hoxe en día. O espazo tamén está axeitado para as visitas como zona de lecer.

Galería de imaxes

Artigo principal: Galería de imaxes de Barro.

• 

  Capela de San Antoniño

• 

  Fervenza e muíños no río Barosa

• 

  Muíños de auga

• 

  Fervenza e muíños no río Barosa

Lugares de Barro

Para unha lista completa de todos os lugares do concello de Barro vexa: Lugares de Barro.

Véxase tamén

Concellos da Comarca de Pontevedra
Barro	Campo Lameiro	Cotobade	A Lama	Poio	Ponte Caldelas	Pontevedra	Vilaboa