Mondariz

Mondariz
Casa do Concello e Praza de España.
Situación
Xentilicio	mondaricense
Xeografía
Provincia	Provincia de Pontevedra
Comarca	Comarca do Condado
Poboación	5081 hab. (2011)
Área	85,1 km²
Densidade	59,71 hab./km²
Entidades de poboación	12 parroquias
Capital do concello	Mondariz
Política (2011)
Alcalde	Julio Alén Montes (PPdeG)
Concelleiros	BNG: 5 PPdeG: 7 PSdeG-PSOE: 1 Outros: -
Eleccións municipais en Mondariz
Uso do galego (2001)
Galegofalantes	96,65%
Páxina web oficial
http://www.concellodemondariz.com
Correo electrónico	concello_mondariz@yahoo.es

Mondariz é un concello da provincia de Pontevedra, pertence á comarca do Condado. Segundo o IGE en 2011 tiña 5.081 habitantes. O seu xentilicio (véxase no Galizionario) é mondaricense.

Evolución da poboación de Mondariz (desde 1900 ata 2012)
1900	1930	1950	1981	2004	2009	2011	2012
5.213	6.687	7.093	6.443	5.320	5.259	5.081	{{{8}}}
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

Mondariz ten unha superficie de 85,8 km². Está situado ao suroeste da serra do Suído, no sur da provincia de Pontevedra. Limita ao norte con Fornelos de Montes e Pazos de Borbén, ao leste con Covelo, ao sur coa Cañiza e Salvaterra de Miño, e ao oeste con Mondariz-Balneario, Ponteareas e Pazos de Borbén.

Está surcado polo río Tea, que forma un val moi pronunciado. Os seus afluentes máis importantes son pola dereita o Caraño, Alén e o Aboal (tamén chamado Asaar), e pola esquerda o Lougariños e o Xabriña. O cumio máis alto do municipio é o Coto de Eira, de 881 m.

O concello ten 12 parroquias, sendo dúas delas (Queimadelo e Vilasobroso) entidades locais menores.

Demografía

No ano 2009 tiña 5.259 habitantes, pero a poboación está moi diseminada en núcleos reducidos e distantes entre si. As zonas urbanas máis consolidadas son a vila que dá nome ao concello, e Vilasobroso, catro quilómetros ao sur.

Censo Total (Habitantes)	4.841
Menores de 15 anos	471 (9.73 %)
Entre 15 e 64 anos	2.959 (61.12 %)
Maiores de 65 anos	1.411 (29.15 %)

Historia

Na Idade Moderna as terras pertencían ao señorío de Sobroso. O marquesado de Sobroso foi concedido por Filipe IV de España o 18 de maio de 1625. Durante o reinado de Afonso XIII, os veciños da parroquia de Vilasobroso solicitaron constituírse como entidade local menor, sendo recoñecida como tal polo pleno municipal o 13 de setembro de 1924.

A parroquia de Queimadelos solicitou constituírse como EML durante a II República, sendo recoñecida o 21 de febreiro de 1935.

Patrimonio

Castelo de Sobroso

Artigo principal: Castelo de Sobroso.

O castelo de Sobroso está xunto ao monte Landín, nas inmediacións do concello de Ponteareas que ten a súa propiedade. Desde el divísase o sur do Condado e o val do río Miño alén da fronteira con Portugal. Ten a súa orixe no século XII, en 1130.

Ponte románica de Cernadela

Ponte de Cernadela.

Está situada na parroquia de Riofrío, no lugar de Cernadela, sobre o río Tea. A construción servía de paso cara ás diferentes feiras. Augas arriba existe unha praia fluvial.

Escudo

Sobre cartela, escudo medio partido e cortado: 1º: En campo de prata unha fonte de ouro aclarada de azur. 2º: En campo de azur un monte de sinople, sumado todo el dunha muralla de ouro mazonada, sumada pola sinistra da torre e outra muralla. 3º: En campo de azur unha ponte de tres arcos apuntados. Acolado da cruz de Santiago. Ó timbre coroa real pechada.

Galería de imaxes

Artigo principal: Galería de imaxes de Mondariz.

Lugares de Mondariz

Para unha lista completa de todos os lugares do concello de Mondariz vexa: Lugares de Mondariz.

Véxase tamén

Concellos da Comarca do Condado
Mondariz	Mondariz-Balneario	As Neves	Ponteareas	Salvaterra de Miño