Bueu

Na Galipedia, a Wikipedia en galego.

Coordenadas: 42°19′35″N 08°47′04″W / 42.32639°N 8.78444°W / 42.32639; -8.78444

Bueu


Barrio de Pescadoira, un dos tres que forman a vila de Bueu
Situación

Xentilicio^[1]:	Buenense; forma popular tradicional: bueueiro, bueueira
Xeografía
Provincia:	Provincia de Pontevedra
Comarca:	Morrazo
Poboación:	12.348 hab. (2011)
Área:	30,8 km²
Densidade:	401,79 hab./km²
Entidades de poboación:	5 parroquias
Capital do concello:	Bueu
Política (2011)
Alcalde:	Félix Juncal Novas (BNG)
Concelleiros:	BNG: 12 PP^deG: 4 PS^deG-PSOE: 1 Outros: 0
Eleccións municipais en Bueu
Uso do galego^[2] (2001)
Galegofalantes:	96,88 %
Sitio web oficial
http://www.concellodebueu.org

Bueu (xentilicio: Buenense popularmente bueueiro) é un concello da provincia de Pontevedra, pertencente á comarca do Morrazo. O concello ten unha poboación de 12.368 habitantes (2010)^[3], unha superficie de 30'8 km² e unha densidade poboacional de 401,56 hab./km².

O concello de Bueu atópase ás beiras da ría de Pontevedra no Atlántico. Limita coa ría de Aldán polo oeste e coa ría de Pontevedra polo norte, co concello de Marín polo norleste, co concello de Moaña polo sudeste e co concello de Cangas polo sur. O municipio está formado por cinco parroquias: Beluso, Bueu (San Martiño), Cela, Ermelo e a Illa de Ons, parroquia formada polo arquipélago de Ons, formado pola Illa de Ons e a Illa de Onza e adscrita ao concello dende 1844.

Un dos principais atractivos de Bueu son as súas praias. O concello ten un total de 24 praias, das que 3 se atopan nas illas Ons^[4], pertencentes ao Parque nacional das Illas Atlánticas.

Evolución da poboación de Bueu - desde 1900 ata 2010 -
1900	1930	1950	1981	2004	2010
7.233	9.150	10.177	11.961	12.483	12.368
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)