Crecente

Para outras páxinas con títulos homónimos véxase: Crecente (homónimos).

Crecente
Situación
Xentilicio:	Crecentense
Xeografía
Provincia:	Provincia de Pontevedra
Comarca:	Paradanta
Poboación:	2.533 hab. (2011)
Área:	57,5 km²
Densidade:	44,05 hab./km²
Entidades de poboación:	11 parroquias
Capital do concello:
Política (2011)
Alcalde:	Julio César García Luengo Pérez (PP)
Concelleiros:	BNG: 1 PPdeG: 8 PSdeG-PSOE: 2 Outros: -
Eleccións municipais en Crecente
Uso do galego (2001)
Galegofalantes:	98,32 %
Sitio web oficial
http://concellocrecente.es

Crecente é un concello da provincia de Pontevedra, pertence á comarca da Paradanta. Segundo o IGE, en 2010 tiña 2.540 habitantes. O seu xentilicio (véxase no Galizionario) é Crecentense.

Evolución da poboación de Crecente - desde 1900 ata 2009 -
1900	1930	1950	1981	2004	2009
5.247	5.317	5.584	4.432	2.756	2.540
Fontes: INE e IGE (Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

Limita cos concellos de Arbo e A Cañiza (provincia de Pontevedra); Melón, Arnoia, Cortegada, Pontedeva e Padrenda (provincia de Ourense) e fai fronteria con Portugal, separado polo río Miño. Ten 57,1 km².

Cara ao norte está formado por unha zona montañosa, e cara ao sur está formado por un grupo de vales profundos, dirixidos cara ao río Miño, que o separa de Ourense e Portugal.

Historia

No límite co concello de Arbo atópnase uns petroglifos no monte. Durante a Idade do Ferro, coacultura castrexa construíuse o poboado castrexo da Cidá, na parroquia de Quintela, onde se atopou un trisquel. Os restos atopados atópanse no Museo de Pontevedra e no Museo Quiñones de León de Vigo.

A zona pertenceu na Idade Antiga ao condado de Turonia.

No século X San Paio, sobriño do bispo de Tui Hermixio, foi raptado por Abderramán III. Na súa memoria erixiuse na súa parroquia natal, Albeos, o mosteiro románico de San Paio, do que se conservan algunhas ruínas.

O rei Fernando IV outorgou a Fernando Yáñez o señorío de Crecente, e en 1642 o rei Filipe IV de España concedeu o condado de Crecente a Baltasar de Soutomaior.

O castelo de Fornelos ten a súa orixe nas guerras de Portugal, entre Afonso VII e Afonso Henriques. Na actualidade consérvase a torre da homenaxe (nela o nobre Pedro Madruga mantivo encarcerado ao bispo de Tui Diego de Muros) tivo uso ata a Guerra de Restauración ou Guerra de Independencia de Portugal do dominio español.

Natureza

O entorno natural de Crecente está demarcado polos diversos vales, destacando á vista o encoro do río Frieira. Desde o monte de Chan de Moeiras, en Filgueira, hai unhas boas vistas panorámicas dos meandros do Ñiño, desde Meréns ata Cortegada.

Patrimonio

O pazo da Fraga, en Albeos, e o pazo de Barreiro, en Vilar, son de orixe medieval.

O románico tivo implantación na zona, como se ve no mosteiro de San Paio de Albeos, consagrado a San Paio, santo orixinario deste concello. A igrexa de Crecente, antiga colexiata, foi construída sobre as ruínas do mosteiro templario de San Pedro, construído no século XIV.

A capela da Virxe do Camiño, de estilo románico tardío, sitúase nunha antiga ruta do camiño de Santiago, e conta cun cruceiro ornamental. Na capela de Fátima, no Couto da Cruz, venérase a primeira imaxe existente en España vinculada á Virxe de Fátima, traída a ombreiros dende Portugal.

Galería de imaxes

Artigo principal: Galería de imaxes de Crecente.

• 

  Igrexa de Filgueira, Crecente

Lugares de Crecente

Para unha lista completa de todos os lugares do concello de Crecente vexa: Lugares de Crecente.

Véxase tamén

Concellos da Comarca da Paradanta
Arbo	A Cañiza	Covelo	Crecente