Corporación de Radio e Televisión de Galicia

Na Galipedia, a Wikipedia en galego.
(Redirixido desde "CRTVG")
Saltar ata a navegación Saltar á procura

Coordenadas: 42°51′43.81″N 8°33′27.70″O / 42.8621694, -8.5576944

Corporación Radio e Televisión de Galicia
Corporacion Television Galicia.JPG
TipoSociedade anónima
Fundación1984, comezo da emisión 1985
LocalizaciónBando-San Marcos Santiago de Compostela 15820 A Coruña Galicia Galicia
Persoas claveAlfonso Sánchez Izquierdo (Director Xeral)
IndustriaTelevisión e radio
ProdutosRadio e Televisión pública de Galicia
Páxina webcrtvg.gal
editar datos en Wikidata ]

A Corporación de Radio e Televisión de Galicia (CRTVG) é un ente público con titularidade xurídica propia creada polo Parlamento de Galicia en 1984 co obxectivo de pór en funcionamento, xestionar, e explotar os medios de comunicación públicos de Galicia. Para tal fin e para contribuír na normalización lingüística e a cohesión social de Galicia, creáronse as sociedades anónimas Televisión de Galicia S.A. e Radio-televisión de Galicia S.A. que co seu sinal chegan a todo o territorio galego.

Historia[editar | editar a fonte]

O primeiro goberno galego xurdido dunhas eleccións autonómicas en 1981 estaba dividido acerca da constitución dun medio público galego que entre outras cousas favorecera a normalización da lingua galega, dunha banda o conselleiro da Presidencia, Xosé Luís Barreiro Rivas, era o principal impulsor do proxecto e da outra o vicepresidente José Manuel Romay Beccaría era totalmente contrario preferindo unha política de axuda aos medios privados. Cando Romay Beccaria deixou o goberno galego, Barreiro comezou a redactar a Lei de Radio e Televisión que conduciu á creación da CRTVG aínda que se mantivo a oposición dun sector de AP; na oposición o PSOE tamén estaba dividido xa que os catro deputados independentes galeguistas que concorreron polas listas socialistas estaban a favor da súa creación mentres o PSOE mantiña unha política ambigua, tan só os nacionalistas do BNPG-PSG e EG estaban totalmente a favor da súa creación. O 11 de xullo de 1984 aprobouse a Lei de Creación da Compañía de Radio-Televisión de Galicia[1]

A TVG e a Radio Galega iniciaron as súas emisións en 1985 e foron o primeiro medio audiovisual e radiofónico en emitir en lingua galega toda a súa programación.

A CRTVG xestiona as cadeas de radio Radio Galega, Radio Galega Música e Son Galicia Radio (DAB e TDT) e as canles de televisión TVG, G2, TVG Europa e TVG América, emitindo as dúas últimas canles por satélite. Ademais TVG América tamén emite por TDT e G2 exclusivamente por TDT.

O seu Consello de Administración está composto por seis membros elixidos para un mandato de cinco anos polo Parlamento de Galicia entre persoas de acreditado prestixio profesional. A súa misión céntrase en velar polo cumprimento do disposto na Lei de Creación da Compañía e, especialmente, en aprobar aquelas materias que asentan as directrices do funcionamento da entidade pública, como son a programación, a memoria anual, o cadro de persoal e as normas reguladoras da emisión de publicidade.

A TVG e a Radio Galega contan cun consello asesor, que non ten competencias decisorias, senón só asesoras. Está compostos por vogais elixidos entre os traballadores, xestores dos servizos públicos, representantes da Administración Autónoma, Consello da Cultura Galega, universidades, Parlamento e deputacións provinciais.

A Dirección Xeral é un órgano universal que ten a responsabilidade executiva e é nomeado polo Goberno de Galicia para cada lexislatura. As súas funcións son as de xestionar o ente público e as súas sociedades. Para iso conta cun equipo técnico, administrativo e xurídico enmarcado na estrutura da Compañía. Da Dirección Xeral depende tamén a Dirección de Comunicación e Relacións Externas.

Ao redor da Corporación da Radio-Televisión de Galicia e as súas dúas sociedades móvense actualmente un total de 671 traballadores dos que un 70% son homes e un 30% mulleres.

O 1 de xaneiro de 2016 extinguiuse a Compañía de Radio-Televisión de Galicia e pasou a denominarse Corporación de Radio-Televisión de Galicia.[2]

Actividades[editar | editar a fonte]

Televisión[editar | editar a fonte]

En televisión, Televisión de Galicia agrupa para a emisión dentro de territorio galego das canles xeneralistas. Todos as canles se poden ver por TDT en Galicia, plataformas de satélite ou cable. As canles son:

Logo Canle Inicio de transmisións
Televisión de Galicia Logo.svg
TVG
Canle xeneralista.
24 de xullo de 1985
TvG2.jpg
TVG2
Canle xeneralista.
2 de febreiro de 2009

Televisión no exterior[editar | editar a fonte]

As canles de TVG para o exterior están dispoñibles a través de Internet e de diversos satélites e plataformas de pago en España, Europa e Latinoamérica.

Logo Canle Inicio de transmisións[3]
Televisión de Galicia Logo.svg
TVG América
Canle xeneralista.
1 de abril de 1997
Televisión de Galicia Logo.svg
TVG Europa
Canle xeneralista.
7 de marzo de 1998

Canles online[editar | editar a fonte]

Logo Canal Inicio de transmisións
TVG Xabarín TV (Canle online).png
Xabarín TV[4]
Canle online infantil que funciona como unha lista de reprodución.
2 de decembro de 2016 [5]
Televisión de Galicia Logo.svg
Momentos G[6]
Canle online de emisión dos mellores momentos dos programas da TVG.
2 de decembro de 2016
TVG Musigal (Canle online).png
Musigal[7]

Canle de emisión de programas musicais online.

2 de decembro de 2016
TVG Cultura (Canle online).jpg
#Cultura365[8]

Canle cultural online da TVG, que chamábase ZigZag TV ata o mes de decembro de 2018.

2 de decembro de 2016

Antigas canles[editar | editar a fonte]

Logo Canle Inicio de transmisións Cesamento de transmisións
Galeusca TV (ETB-TV3-TVG).png
Galeusca TV[9]
Emisión internacional para América de programas de TVG, TV3 e ETB.
31 de decembro de 1996 Setembro de 1998
Telenoticias (FORTA) (1997-1998).png
Telenoticias[10]
Canle de televisión por cable que emitía noticias dos canles da FORTA, constituída, nese momento, por ETB, TV3, TVG, Telemadrid, Canal Sur e Canal 9.
15 de setembro de 1997 31 de xullo de 1998 [11]

Radio[editar | editar a fonte]

En radio, Radio Galega conta con tres emisoras que abarcan o territorio galego.

Logo Emisora Inicio de transmisións
Radiogalega.jpg
Radio Galega
Emisora xeneralista.
24 de febreiro de 1985 (36 anos)
Radio Galega Música (CRTVG).png
Radio Galega Música
Emisora de música.
3 de marzo de 2004 (17 anos)
Son Galicia Radio (CRTVG).png
Son Galicia Radio
Emisora de música.
17 de maio de 2004 (17 anos)

Lista dos directores xerais[editar | editar a fonte]

Anos Director
1985-1986 Luis Losada
1986-1987 Lois Caeiro
1987-1990 Abilio Bernardo de Quirós
1990-1994 Ramón Villot
1994-2005 Francisco Campos
2005-2009 Benigno Sánchez
2009- Alfonso Sánchez Izquierdo

Programación[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]