Luar (programa)

Para outras páxinas con títulos homónimos véxase: Luar.

Laura Casares, Mucha e Nucha, Xosé Ramón Gayoso e Luis Zahera na gravación da 801ª emisión de Luar.

Luar é un programa da Televisión de Galicia. Trátase dun dos grandes éxitos da TVG, sendo líder de audiencia na súa franxa horaria e cunha especial relevancia na audiencia entre os galegos emigrados a través de Galicia TV. Mantense no aire desde o 18 de setembro de 1992.

Traxectoria

Dirixido por Teo Manuel Abad e Xosé Ramón Gayoso, realizado por Teo Manuel Abad e presentado tamén por Xosé Ramón Gayoso. Emítese en directo desde o Plató 1000 en Montouto, Teo, os venres pola noite. É un programa eminentemente musical que lle dá un amplo espazo á música galega sobre todo á tradicional, aínda que no programa hai espazo para o humor e os concursos. O programa repitese os domingos ás 16:15.

Moitas figuras do audiovisual e da música galega fixeron as súas primeiras aparicións nel ou ben fixéronse coñecidos en toda Galicia como Luís Tosar, Mercedes Peón, Paula Vázquez ou Os Tonechos, pero en total pasaron polo programa máis de 5.000 artistas.

Participantes

Esta é unha lista (incompleta) dos participantes máis destacados no programa:

Laura Casares Ricardo de Barreiro Paula Vázquez Carlos Blanco Uxía Blanco María Blanco-Fafián Roberto Bodegas Camila Bossa Luís Tosar Mela Casal como Socorrito Belén Constenla Avelino González Mercedes Peón Manuel Mandianes Carme Hermida Jorge Mira Yolanda Castaño

Pablo Carpintero Arias Rubén Riós Farruco Cándido Pazó Miguel Lago Pepo Suevos David Amor Oswaldo Digon Luís de Matos Xosé Antonio Touriñán como Mucha Marcos Pereiro como Nucha Josito Porto Nieves Rodríguez Xacobe Sanz Patricia Vázquez Luis Zahera como Anselmo Alejandra Juno

Ex-participantes

• Pantera Rodríguez
• Diana Nogueira (2002–2003)
• Dorotea Bárcena como Amadora (2002–2006)
• Mariana Carballal como Maribel (2002–2006)
• Roberto Vilar como Tonecho (2002–2006)
• Víctor Fábregas como Tucho (2002–2006)
• María Campos como Señora de Palmírez (2005–2013)

Audiencia

Tempada tras tempada sitúase entre os cinco primeiros na clasificación dos programas galegos máis vistos. Luar foi o quinto programa máis visto da TVG na tempada 2006-07, con 181.000 espectadores de media e o segundo en cota de pantalla cunha porcentaxe do 22,71%. Na tempada 2007-08 sufriu un pouco o desgaste e a fragmentación da audiencia ao facer unha media de 175.000 espectadores cun 20,54% de audiencia.

Luar é o único programa do mundo gañador de sete Best International Format Awards na categoría de cadeas de ámbito non estatal.

Galardóns e nomeamentos

Premios Mestre Mateo

Ano	Categoría	Receptor	Resultado
2002	Mellor programa de televisión	TVG	Nomeado
	Mellor comunicador de televisión	Xosé Ramón Gayoso	Gañador
2003	Mellor programa de televisión	TVG	Nomeado
2010	Mellor comunicador de televisión	Xosé Ramón Gayoso	Nomeado
2013	Mellor realizador	Carola Prego Grueiro	Nomeada
	Mellor programa de televisión	TVG	Nomeado
	Mellor comunicador de televisión	Xosé Ramón Gayoso	Gañador
2014	Mellor programa de televisión	TVG	Nomeado

Véxase tamén

Ligazóns externas

• Ficha artística en culturagalega.org