Pazo de Vaamonde

Casa-pazo de Vaamonde
Santiago de Compostela
Instancia de pazo
Localización  Situado en Santiago de Compostela, provincia da Coruña, Galicia, España  Coordenadas 42°52′41″N 8°32′42″O
Wikidata C:Commons

A Casa-pazo de Vaamonde ou pazo de Vaamonde é un pazo urbano construído no século XVIII en Santiago de Compostela. Na actualidade acolle o Consorcio de Santiago.

Localización

A casa áchase na zona vella de Santiago de Compostela, no cantón entre a rúa do Vilar número 59 e a calella de Entrerrúas, a máis estreita da vila.

Descrición

O edificio foi ergueito no século XVIII e curiosamente sobresae do aliñamento das casas acaroadas da rúa. Está formado pola planta terrea, con soportais de arcos de volta perfecta e dous andares, o segundo con balcón. Na fachada do primeiro andar, entre as fiestras salienta un grande escudo. Tamén é de salientar o petador da porta, obra do escultor Francisco Asorey, e tamén a rechamadeira cristaleira da porta interior. No interior atópase unha escaleira principal cunha escultura en madeira realizada polo escultor J. Rivas o 25 de xullo de 1932. Subindo para da escaleira principal hai unha escaleira de servizo máis sinxela e estreita.

Galería de imaxes

• 
  Petador de Francisco Asorey.
• 
  Escultura da escaleira principal, escultor J. Rivas, 25 de xullo de 1932.
• 
  Escaleira de servizo.