Facultade de Matemáticas de Santiago de Compostela

Na Galipedia, a Wikipedia en galego.

Coordenadas: 42°52′26.39″N 8°33′29.82″O / 42.8739972, -8.5582833 A Facultade de Matemáticas forma parte da Universidade de Santiago de Compostela (USC) e está situada na avenida Lope Gómez de Marzoa, no campus sur de Santiago de Compostela. É a única que hai en Galicia.

Historia[editar | editar a fonte]

Placa do 50 aniversario da Licenciatura de Matemáticas na USC.

A licenciatura en matemáticas iniciouse na Universidade de Santiago de Compostela no curso 1957-58.[1] A pesar de que a Facultade de Matemáticas se instituíu en 1977, con Enrique Vidal Abascal como primeiro decano, a súa sede continuou na Facultade de Ciencias (hoxe Facultade de Química).[1] En 1983, trasladouse á súa localización actual, un edificio obra do arquitecto Andrés Fernández-Albalat.[2] Coa entrada en vigor da Lei de Reforma Universitaria no curso 1985/1986, a Facultade divídese nos departamentos de Álxebra, Análise Matemática, Estatística e Investigación Operativa, Matemática Aplicada e Xeometría e Topoloxía.

Dende o curso 2008/2009 impártese neste centro o Grao en Matemáticas, ao que se engadiron no curso 2015/2016 os dobres graos en Enxeñaría Informática e en Matemáticas e en Matemáticas e en Física.

Estudos[editar | editar a fonte]

Graos[editar | editar a fonte]

  • Grao en Matemáticas[3]
  • Dobre grao en Enxeñería Informática e en Matemáticas[4]
  • Dobre grao en Matemáticas e Física[5]

Másters[editar | editar a fonte]

  • Máster en Matemáticas[6]
  • Máster en Matemática Industrial[7]
  • Máster en Técnicas Estatísticas[8]

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]