Xirafa

Na Galipedia, a Wikipedia en galego.
Xirafa
Giraffa camelopardalis
Unha xirafa en Tanzania
Unha xirafa en Tanzania
Estado de conservación
En perigo
Clasificación científica
Reino: Animalia
Filo: Chordata
Subfilo: Vertebrata
Clase: Mammalia
Orde: Artiodactyla
Suborde: Ruminantia
Infraorde: Pecora
Familia: Giraffidae
Xénero: Giraffa
Brünnich, 1771
Especie: G. camelopardalis
Nome binomial
Giraffa camelopardalis
(Linnaeus, 1758)
Subespecies
Véxase o texto

A xirafa (Giraffa camelopardalis) é unha especie de mamífero artiodáctilo, o tipo da familia dos xiráfidos, propio de África.

É a máis alta de todas as especies de animais terrestres existentes na actuaidade-

Habita nas chairas do centro, sur e leste de África, en sabanas, sabanas arboradas e bosques abertos. A súa área de distribución é descontinua, estendéndose desde o Chad no norte até Sudáfrica no sur, e desde o Níxer polo oeste até Somalia polo leste.

Etimoloxía[editar | editar a fonte]

O nome común "xirafa", asi como o primeiro termo do nome binomial, é dicir, o nome do xenero, Giraffa, provén do árabe الزرافة (ziraafa oi zurapha), que significa "alta".

O segundo termo que dá nome á especie, camelopardalis, procede do grego καμηλοπάρδαλη kamēlopárdalē, que pasou ao latín como camelopardalis, que significa "camelo leopardo".

Xulio César introduciu a primeira xirafa en Europa traída das súas campañas en Asia menor e Exipto, onde coñeceu a Cleopatra. Sen teren claro que clase de animal era, os romanos bautizárona como cameleopardo, un cruce entre camelo e leopardo, converténdose no nome científico que se utiliza até hoxe.

Pola súa peculiar aparencia a xirafa foi unha fonte de fascinación en diversas culturas, tanto antigas como modernas, e apareceu con frecuencia en pinturas, libros e debuxos animados.

Caracerísticas[editar | editar a fonte]

É a máis alta de todas as especies de animais terrestres existentes. Pode alcanzar unha altura de 5,8 m e un peso que varía entre os 750 e os 1.600 kg.[1]

Distribucón e hábitat[editar | editar a fonte]

Hoxe en día a súa área de distribución é descomntinua, estendéndose desde o Chad polo norte até Sudáfrica polo sur, e desde o Níxer polo oeste até Somalia polo leste.

Polo xeral habita en sabanas, sabanas arboradas e bosques abertos. A súa principal fonte de alimento son as follas das acacias, que apaña coa lingua en alturas inaccesíbeis para a maioría dos demais fitófagos.

Comportamento[editar | editar a fonte]

As xirafas adultas non teñen fortes vínculos sociais, aínda que se agrupan en mandas abertas e soltas se chegan a estar movéndose na mesma dirección xeral. Os machos establecen unha xerarquía social mediante duelos coñecidos co termo inglés "necking", un combate no cal utilizan o pescozo como arma. Só os machos dominantes poden acoplarse coas femias.

Inimigos[editar | editar a fonte]

As xirafas adultas son depredadas por leóns, e os indiuviduos novos tamén por leopardos, hienas pintas e licaóns.

Estado de conservación[editar | editar a fonte]

O estatus sa xirafa foi cualificado pola Unión Internacional para a Conservación da Natureza (UICN) como EN (especie ameazada en perigo de exrinción), xa que desapareceu de moitas partes da súa área de distribución orixinal, e algunhas subespecies foron clasificadas como en perigo de extinción. Porén, aínda existe un gran número de xirafas nos Parques Nacionais e reservas de caza.[2]

Subespecies[editar | editar a fonte]

Distribución das subespecies da xirafa.

Recoñécense até nove subespecies de Giraffa camelopardalis:

  • G. c. camelopardalis
  • G. c. reticulata
  • G. c. angolensis
  • G. c. antiquorum
  • G. c. tippelskirchi
  • G. c. rothschildi
  • G. c. giraffa
  • G. c. thornicrofti
  • G. c. peralta

Notas[editar | editar a fonte]

  1. Hanák, V. e Mazák, V. (1991): Enciclopedia de los Animales. Mamíferos de todo el Mundo. Madrid: Editorial Susaeta. ISBN 84-305-1967-X.
  2. Fennessy, J. & Brown, D. (2014): Giraffa camelopardalis na Lista vermella da UICN. Vewrsión 2014.2

Véxase tamén[editar | editar a fonte]

Commons
Commons ten máis contidos multimedia na categoría: Xirafa Modificar a ligazón no Wikidata
Wikispecies-logo.svg
Wikispecies posúe unha páxina sobre: Xirafa

Bibliografía[editar | editar a fonte]

  • Dorst, J. & Dandelot, P. (1973): Guía de campo de los mamíferos salvajes de África, Barcelona: Ediciones Omega, S. A.
  • Haltenorth, T. & Diller, H. (1986): A Field Guide of the Mammals of Africa including Madagascar. London: William Collins Sons & Co Ltd. ISBN 0-0021-9778-2.
  • Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
  • Wilson, D. E., & Reeder, D. M. (editors) (2005): Mammal Species of the World — A Taxonomic and Geographic Reference. Third edition. ISBN 0-8018-8221-4.

Outros artigos[editar | editar a fonte]

Ligazóns externas[editar | editar a fonte]