Nocello

Nocello
Vista lateral dun nocello humano
Latín	articulatio talocruralis
MeSH	Ankle+joint

Fractura bimaleolar e luxación no nocello dereito nos raios X (antero-posterior)

Na anatomía humana o nocello é unha articulación bicameral do membro inferior. Permite movementos de flexión-extensión e abdución-adución do pé. Tamén se denomina noelo, nortello e tornecelo.

Superficies articulares da cámara proximal

• Na perna:
  • Tibia: Cara inferior da epífise inferior e cara externa do maleolo tibial.
  • Peroné: Cara interna do maleolo peroneo.
• No tarso:
  • Astrágalo: Cara superior, interna e externa.

O escafoide e calcáneo non son superficies articulares pero neles insírense varios ligamentos do nocello. Trátase dunha articulación troclear.

Superficies articulares da cámara distal

• Articulación astrágalo-calcanoidea: Entre astrágalo e calcáneo. É unha dobre artrodia morfolóxica e trocoide funcional.
• Articulación calcáneo-astrágalo-escafoidea: Entre astrágalo e escafoide. Engadimos o calcáneo nesta articulación porque emite un cartigo importante para ela. Trátase dunha enartrose.

Ligamentos da articulación

• Da cámara proximal:
  • Ligamento lateral externo: Composto por tres feixes.
    • Ligamento peroneo-astragalino anterior
    • Ligamento peroneo-astragalino posterior
    • Ligamento peroneo-calcáneo
  • Ligamento lateral interno: Composto por catro feixes.
    • Ligamento deltoideo ou superficial: Contén tres feixes.
      • Ligamento tibio-astragalino anterior, posterior e tibio-calcáneo
    • Ligamento fondo: Por debaixo dos anteriores.
      • Ligamento tibio-astragalino medio

• Da cámara distal:
  • Articulación astágalo-calcanoidea: Un ligamento intrínseco: ligamento do seo do tarso e dous ligamentos extrínsecos: un posterior e outro interno.
  • Articulación calcáneo-astragalino-escafoideo: Ligamento clave e ligamento de reforzo superior.