Barco

Na Galipedia, a wikipedia en galego.

Un barco ou buque é toda embarcación de calquera especie, de propiedade pública ou privada, dedicado habitualmente á navegación marítima. Xeralmente de construción cóncava a base de madeira, metal ou outro material; debido á súa forma e ao principio de Arquímedes, aboia na auga, e é utilizado tanto no mar, coma en lagos e ríos.

Índice 1 Introdución 2 Nacionalidade e rexistro das naves 3 Naves Sub-estándar 4 Tipos de Barcos 5 Tipos de propulsión 6 Títulos náuticos 7 Partes dun buque 8 Ligazóns externas 9 Ver

[editar] Introdución

O mar, sempre causou fascinación no ser humano dende o comezo dos tempos; sempre o forneceu de alimento. A costa sur central do Perú na provincia de Pisco, no distrito de Paracas cara ao 10.000 a.C., grazas ó alimento existente nas súas praias, acobillou os primeiros homes que se volveron sedentarios. Primeiro foi a recolección de mariscos e moluscos, logo a pesca e finalmente o home se aventurou a penetrar nese mar que xenerosamente o fornecía de alimento. A tecnoloxía foi progresando e o home construíu plataformas para aboiar na auga; probablemente usou troncos de árbores ou outros materiais abundantes na súa contorna que tiñan flotabilidade. Para impulsarse e non quedar á deriva, botou man do remo ata que descubriu que a forza eólica podía impulsalo con menor esforzo e maior efectividade; logo, achou o xeito de levar a embarcación cara a onde quería e inventou o temón. É a partir de entón cando o home, introducindo melloras na impulsión e goberno, abriu decididamente o proceso que o levaría a construír as modernas naves que sucan hoxe día os océanos do mundo.

[editar] Nacionalidade e rexistro das naves

A nacionalidade dos barcos mercantes depende do pavillón que enarboren, se o fan de xeito lexítimo. Esa nacionalidade ten extraordinaria importancia, ata o punto de que ningunha nave ousaría navegar sen pavillón.

Ademais da nacionalidade, a nave ten que ostentar un nome debidamente rexistrado polas autoridades competentes de cada país. O nome consta na cara de popa e debe estar visible.

[editar] Naves Sub-estándar

Un Buque Sub-estándar é unha nave que non cumpre coas esixencias dos convenios internacionais e cuxos certificados de navegabilidade foron emitidos sen considerar o verdadeiro estado da nave.

Para que un buque se faga ó mar necesita que un estado soberano o recoñeza e lle permita enarborar o pavillón desa nación, por exemplo, Panamá, Chile, Arxentina, Bolivia, etc.

Logo que foi rexistrado, require que o estado de abandeiramento efectúe unha serie de recoñecementos estatutarios acordados previamente pola Organización Marítima Internacional, OMI; entre algúns destes convenios atópanse: SOAS (Convenio Internacional para a Protección da Vida Humana no Mar), MARPOL (Convenio Internacional para a prevención da contaminación da augas por derrames de hidrocarburos), LL (Convenio do as liñas de Carga de 1969), etc., dando orixe a certificados de cumprimento que permitirán verificar que o buque se atopa en condicións de facerse ao mar, tales como Certificado de Seguridade de Equipo, Certificado de Seguridade de Construción, Certificado de Seguridade de radio, Certificado para a Prevención de Derrames de Hidrocarburos, etc.

Do anterior despréndese que ningún barco debería navegar en condicións inseguras, especialmente se posúe certificados que garantan a súa seguridade.

Moitos dos estados de abandeiramento delegan en Sociedade Recoñecidas (ABS, Lloyd Register, Bureau Veritas, Iternational Register of Shipping, MCO, IBS, Det Norske Veritas, etc.) a responsabilidade de efectuar os recoñecementos e emitir as certificacións correspondentes, pero, moitas veces as certificacións son emitidas a buques que en xustiza deberían ser enviados a desmantelamento; presentando cadernas, completamente destruídas pola acción do oxido, cascos crebados e fatigados, buques sen o equipamento adecuado para operar, tripulacións mal preparadas, etc.

[editar] Tipos de Barcos

barco de pasaxeiros barco de recreo: barco de paseo barco deportivo barco de carga

barco de guerra barco hospital transatlántico ferry balsa

cruceiro portacolectores petroleiro barco frigorífico portaavións

cruceiro (barco) destrutor fragata corveta dragaminas galera carabela

paquebote chalana gamela trincado buceta caiuco tarrafa bou baca piragua

[editar] Tipos de propulsión

• Embarcación de motor
• Embarcación de vela
• Embarcación de vapor
• Propulsión nuclear

[editar] Títulos náuticos

• embarcacións de recreo (de maior a menor atribución):
  • capitán de iate
  • patrón de iate
  • patrón de embarcacións de recreo
  • patrón para navegación básica
• competencia de mariñeiro

[editar] Partes dun buque

• eslora
• manga
• puntal
• calado
• mastro
• proa e popa
• roda e codaste
• babor (nome tradicional couso) e estribor (nome tradicional arca ou asimán)
• amura de estribor e amura de babor
• aleta de estribor e aleta de babor
• carena
• cabina
• ponte
• cuberta
• quilla ou querena

[editar] Ligazóns externas

• Clasificación oficial dos barcos para o Goberno da República de Portugal segundo a normalización internacional ISSCFV
• ISSCFV (International Standard Statistical Classification of Fishing Vessels), a clasificación dos buques pesqueiros da FAO de 1984, modificada en 2005, dispoñible en varios formatos:
  • Clave trilingüe ilustrada
  • Lista sinxela en inglés (en PDF)
  • Cambios propostos en 2005
• Culturamaritima.org, web sobre barcos tradicionais
• Carpinteriaderibeira.org, web sobre carpintaría de ribeira e estaleiros tradicionais
• Nabeira, o proxecto conxunto da Federación Galega de Cultura Marítima e Fluvial (FGCMF) e a Consellería de Cultura e Deporte para a dinamización do sector das embarcacións tradicionais
• Clasificación das técnicas pesqueiras da FAO en clave trilingüe ilustrada

[editar] Ver

• Organización Marítima Internacional
• Pesca