Seca

Na Galipedia, a Wikipedia en galego.
O mar de Aral desde o espazo, en 1989 e en 2008.

A seca pódese definir como unha anomalía de duración máis ou menos longa, na que a dispoñibilidade de auga se situa por debaixo dos requirimentos dunha zona xeográfica dada. A auga non é suficiente para abastecer as necesidades das plantas, os animais e os humanos.

É un fenómeno climático causado pola insuficiencia de precipitacións pluviométricas (chuvia) nunha determinada rexión durante un período de tempo grande.[1]

A causa principal de toda seca é, popr tanto, o déficit de precipitacións. Cando a falta de chivias non é demasiado prolongada adoita falarse de seca meteorolóxica que, se perdura, deriva nunha seca hidrolóxica, caracterizada pola desigualdade entre a dispoñibilidade de auga e as demandas naturais da mesma. En casos extremos pódese chegar á aridez.

Aínda que algúns consideran a seca como sinónimos de estiaxe, existe unha non pequena diferenza entre ambos os conceptos, pois a estiaxe é un fenómeno que ocorre nun intervalo de tempo máis ou menos curto, é dicir, a estiaxe non é permanente, mentres que a seca é permanente.[2] [3]

O fenómeno da seca provoca desequilibrios hidrolóxicos importantes. Normalmente a ocorrencia da seca dase cando a evapotranspiración sobrepasa durante un período de tempo amplo a precipitación de chuvias.

A diminución do volume de auga no mar de Aral considése como un dos maiores desastres ambientais e humanos da historia que produciu unha situación de seca.

Notas[editar | editar a fonte]

  1. seca s.f. 1. Falta prolongada de chuvia. Coa seca estiñaron todas as fontes. sin. secura. Definición do Dicionario da RAG
  2. estiaxe s.f. 1. Nivel máis baixo do caudal dun río ou dunha corrente de auga. A estiaxe serve de referencia para medir a altura das augas. 2. Época do ano en que o caudal está no nivel máis baixo. O regato era, na estiaxe, un fío de auga. Definición de estaxe no DRAG
  3. Centro integrado de informações agrometeorológicas. Estiagem e seca