Mozambique

Na Galipedia, a Wikipedia en galego.
República de Moçambique

República de Mozambique
Bandeira de Mozambique Escudo de Mozambique
Bandeira Escudo
Himno nacional: Pátria Amada
 
Mozambique (orthographic projection).svg
 
Capital
 • Poboación
Maputo
1.766.184
Linguas oficiais
Portugués
Forma de goberno República unitaria presidencialista
Armando Guebuza
Alberto Vaquina
Independencia
 • Data
 • Actual const.
de Portugal
25 de xuño de 1975
30 de novembro de 1990
Superficie
 • Total
 • % auga
Fronteiras
Costas
Posto 35º
801.590 km²
2,2
4.571 km km
2.470 km km
Poboación
 • Total
 • Densidade
Posto 50º
23.929.708 (2011 est.)
28,7 hab./km²
PIB (nominal)
 • Total (2012)
 • PIB per cápita
Posto 115º
US$ 14.600 millóns
US$ 650
PIB (PPA)
 • Total (2012)
 • PIB per cápita
Posto 113º
US$ 26.257 millóns
US$ 1.169
IDH (2013) 0,393 (178º) – Baixo
Moeda Metical (MT, MZN)
Xentilicio Mozambicano, mozambicana
Fuso horario UTC +2
Dominio de Internet .mz
Prefixo telefónico +258
Prefixo radiofónico C8A-C9Z
Código ISO 508 / MOZ / MZ
Membro de: ONU, CPLP, UA, OCI, UL, Commonwealth
Tódolos países do mundo

Mozambique é un país da costa oriental da África Austral. Limita ao norte con Zambia, Malaui e Tanzania, ao leste co Canal de Mozambique e co océano Índico, ao sur e oeste con Sudáfrica e ao oeste con Suazilandia e Cimbabue. Máis alá do canal de Mozambique, o país ten ao leste as illas Comores, Madagascar, a posesión francesa de Mayotte e o departamento tamén francés de Reunión e as súas dependencias Xuan de Nova, Basas da Índia e Illa Europa. A súa capital é Maputo.

Historia[editar | editar a fonte]

A historia de Mozambique encóntrase documentada, polo menos, dende o século X, cando un estudoso viaxante árabe, Al Masudi describiu unha importante actividade comercial entre as nacións da rexión do Golfo Pérsico e os "Zanx" da "Bilad as Sofala", que abranguía grande parte da costa norte e centro do actual Mozambique.

Porén, varios achados arqueolóxicos permiten caracterizar a prehistoria de Mozambique dende moitos séculos antes da escrita. Probablemente o evento máis importante desa prehistoria foi o asentamento nesta rexión dos pobos Bantú que, non só foron agricultores, senón que tamén introduciron a metalurxia do ferro, entre os séculos I a IV.

A penetración portuguesa en Mozambique, iniciada nos comezos do século XVI, só en 1885 -coa partilla de África polas potencias europeas durante a Conferencia de Berlín- transformouse nunha ocupación militar, ou sexa, na submisión total dos estados alí existentes, que levou, nos comezos do século XX, a unha verdadeira administración colonial.

Despois dunha guerra de liberación que durou preto de 10 anos, Mozambique tornouse independente o 25 de xuño do 1975.

Ademais de membro da Unión Africana, Mozambique é tamén membro fundador da SADC, Comunidade para o Desenvolvemento da África Austral.

Mapa de Mozambique

Política[editar | editar a fonte]

Artigo principal: Política de Mozambique.

A Frelimo foi o movemento que loitou pola liberación desde o comezo da década de 1960. Despois da independencia, a Frelimo tornouse nun partido político e pasou a controlar o poder. Samora Machel ocupou a presidencia do país ata a súa morte no 1986. A Frelimo permaneceu no poder ata hoxe, tendo gañado en tres ocasións as eleccións multi-partidarias realizadas en 1994, 1999 e 2004. A Renamo é o principal partido de oposición.

Subdivisóns[editar | editar a fonte]

Artigo principal: Subdivisións de Mozambique.

Mozambique está dividido en 11 provincias: Cabo Delgado, Gaza, Iñambane, Manica, Maputo (cidade), Maputo (provincia), Nampula, Niasa, Sofala, Tete, e Zambézia.

Xeografía[editar | editar a fonte]

Artigo principal: Xeografía de Mozambique.

O país localízase na costa leste de África, na maior chaira costeira do continente (a metade do territorio do país encóntrase a 230 m sobre o nivel do mar). A cadea montañosa coñecida como Inyanga atópase ao oeste do país, alcanzando o seu máximo pico 2500 m. As maiores elevacións montañosas están a carón de Zimbabwe, Zambia e Malawi.

As costas son moi irregulares, estando cubertas por grandes pantanos. As praias son turísticas, con area fina branca e augas cristalinas.

O país está dividido polo río Zambeze.

Mozambique ten unha estación cálida e chuviosa dende novembro a marzo, e unha fresca con ventos secos dende xullo a setembro.

Economía[editar | editar a fonte]

É unha das máis pobres do mundo.

Artigo principal: Economía de Mozambique.

Cultura[editar | editar a fonte]

Festivos
Data Nome en portugués Observacións
1 de xaneiro Día da Fraternidade universal
3 de febreiro Día dos Heroes Mozambicanos En homenaxe a Eduardo Mondlane
7 de abril Día da Muller Mozambicana En homenaxe a Xosina Machel
1 de maio Día Internacional dos Traballadores
25 de xuño Día da Independencia Nacional
25 de setembro Día das Forzas Armadas de Liberación Nacional En homenaxe ao inicio da Loita Armada de Liberación Nacional
4 de outubro Día da Paz En homenaxe ao Acordo Xeral de Paz
25 de decembro Día da Familia

Véxase tamén[editar | editar a fonte]

Ligazóns externas[editar | editar a fonte]