Joseph John Thomson
| Joseph John Thomson | |||
|---|---|---|---|
 |
|||
| Nacemento | 18 de decembro de 1856 Cheetham Hill, Reino Unido |
||
| Morte | 30 de agosto de 1940 Cambridge, Reino Unido |
||
| Residencia | Reino Unido | ||
| Nacionalidade | inglés | ||
| Campo | Física | ||
| Alma mater | Universidade de Manchester Universidade de Cambridge |
||
| Director tese | John William Strutt Edward John Routh |
||
| Alumnos tese | Charles Glover Barkla Charles Thomson Rees Wilson Ernest Rutherford Francis William Aston John Townsend Robert Oppenheimer Owen Richardson William Henry Bragg H. Stanley Allen John Zeleny Daniel Frost Comstock Max Born T. H. Laby Paul Langevin Balthasar van der Pol Geoffrey Ingram Taylor Niels Bohr |
||
| Coñecido por | modelo atómico de Thomson | ||
|
|||
Sir Joseph John Thomson (Cheetham Hill, Reino Unido, 18 de decembro de 1856 — Cambridge, 30 de agosto de 1940). Físico británico, premio Nobel de Física en 1906.
Nacido no 1856 en "Cheetham Hill, Manchester", Reino Unido. Estudou no Owens College (hoxe parte da Universidade de Manchester) e no Trinity College, da Universidade de Cambridge. Nesta institución ensinou matemáticas e física, foi profesor de física experimental no laboratorio de Cavendish, e reitor do Trinity College (1918-1940). Tamén foi presidente da Royal Society (1915-1920) e profesor de filosofía natural da Institución rexia de Gran Bretaña (1905-1918).
En 1906 Thomson recibiu o Premio Nobel de Física polo seu traballo sobre a condución da electricidade a través dos gases. Considéraselle o descubridor do electrón polos seus experimentos co fluxo de partículas (electróns) que compoñen os raios catódicos. Teórico e experimentador, Thomson elaborou en 1898 o modelo "pastel de ameixas" da estrutura atómica, na que sostiña que os electróns eran como 'ameixas' negativas incrustadas nun 'pudding' de materia positiva. En 1908 foi nomeado sir.
Foi pai de George Paget Thomson, Premio Nobel de Física en 1937.
