Yoichiro Nambu
 |
Esta páxina contén texto en xaponés. Se o seu navegador non está axeitadamente configurado pode ver caracteres estraños. |
 Yoichiro Nambu |
|||
|---|---|---|---|
 |
|||
| Nacemento | 18 de xaneiro de 1921 Tokio (Xapón) |
||
| Residencia | Estados Unidos e Xapón | ||
| Nacionalidade | Estadounidense | ||
| Campo | Física | ||
| Alma mater | Universidade de Toquio | ||
|
|||
Yoichiro Nambu (南部 陽一郎 Nanbu Yōichirō?), nado en Tokio o 18 de xaneiro de 1921, é un físico estadounidense de orixe xaponesa. É famoso por ter proposto a "cor de carga" da cromodinámica cuántica, por ter realizado traballos en principios de ruptura espontánea de simetría electrodébil na física de partículas, e por ter descuberto que o modelo de dobre resonancia podería explicarse coa teoría de cordas da mecánica cuántica, sendo ademais, canda Holger Bech Nielsen, John H. Schwarz e Leonard Susskind, un dos fundadores desta teoría. Foi recoñecido con numerosos premios e honras tales como o Premio Nobel de Física, Premio J. Robert Oppenheimer, a Medalla Nacional de Ciencias de Estados Unidos, Orde de Cultura de Xapón, a Medalla Max Planck, o Premio Wolf, a Medalla Franklin, a Medalla Dirac ou o Premio Sakurai.
Nambu converteuse inicialmente en profesor de física da Universidade de Osaka en 1950. Actualmente é profesor emérito da Universidade de Chicago.
A Acción Nambu-Goto da teoría de cordas recibe ese nome na honrra de Nambu e de Tetsuo Goto. Por outra parte, os bosóns sen masa planteanse na teoría de campos con ruptura espontánea de simetría e denominanse a veces bosons Nambu-Goldstone.
O 7 de outubro de 2008 foi galardoado co Premio Nobel de Física polos seus descubrimentos en física subatómica, xunto cos xaponeses Makoto Kobayashi e Toshihide Masukawa.[1] [2]
Notas [editar]
- ↑ "Dos japoneses y un estadounidense, Nobel de Física por sus descubrimientos en la física subatómica" (en español). elpais.com. 7 de outubro de 2008. http://www.elpais.com/articulo/sociedad/japoneses/estadounidense/Nobel/Fisica/descubrimientos/fisica/subatomica/elpepusoc/20081007elpepusoc_2/Tes. Consultado o 19 de decembro de 2011.
- ↑ "Nobel de Física a investigadores de la “ruptura espontánea de la simetría”" (en español). La Jornada. 7 de outubro de 2008. http://www.jornada.unam.mx/2008/10/08/index.php?section=ciencias&article=a02n1cie. Consultado o 19 de decembro de 2011.
