Jack Steinberger
Jack Steinberger, nado como Hans Jakob Steinberger en Bad Kissingen o 25 de maio de 1921, é un físico estadounidense de orixe alemá. Recibiu o Nobel de Física de 1988, conxuntamente con Leon Max Lederman e Melvin Schwartz, polo método do feixe de neutrinos, descubrimento do muón neutrino e demostración dos leptóns dobrados.[1] Estes experimentos foron realizados na Universidade de Columbia a principios da década de 1960.
Steinberger naceu en Bad Kissingen en Baviera, Alemaña, pero abandonouna aos 13 anos debido ao incremento do sentimento antisemita e o espertar nazi. Emigrou aos Estados Unidos, onde viviu durante moitos anos, para logo emigrar a Suíza para traballar no CERN, onde traballou en innúmeras experiencias sobre neutrinos.[2]. O seu premio Nobel doouno á New Trier High School, escola da que foi alumno.
Notas[editar]
- ↑ Academia Real das Ciencias de Suecia. "The Nobel Prize in Physics 1988" (en inglés). http://www.nobelprize.org/nobel_prizes/physics/laureates/1988/press.html. Consultado o 15 de decembro de 2011.
- ↑ CERN. "Les hommes et les femmes" (en francés). http://public.web.cern.ch/public/fr/People/Steinberger-fr.html. Consultado o 15 de decembro de 2011.
