Brian Schmidt
 Brian Schmidt |
|||
|---|---|---|---|
 |
|||
| Nacemento | 24 de febreiro de 1967 Missoula (EUA) |
||
| Residencia | Australia | ||
| Nacionalidade | Norteamericana e australiana | ||
| Campo | Astronomía | ||
| Alma mater | Universidade de Arizona Universidade Harvard |
||
| Director tese | Robert Kirshner | ||
| Coñecido por | Enerxía escura, aceleración da expansión do Universo | ||
|
|||
Brian P. Schmidt, nado en Missoula (Montana) o 24 de febreiro de 1967 , é un astrofísico estadounidense, profesor distinguido do Consello de Investigacións Científicas de Australia, forma parte da Universidade Nacional de Australia e do Observatorio astronómico de Monte Stromlo, tamén é membro do Centro Nacional de Investigación de Astronomía e Astrofísica de Australia e é coñecido polo uso da investigación de estrelas supernovas no estudo cosmolóxico.
Actualmente exerce como membro destacado do Consello de Investigacións Científicas de Australia.
Schmidt compartiu en 2006 o premio Shaw en astronomía e en 2011 o Premio Nobel de Física con Saul Perlmutter e Adam Riess por achegar evidencias a favor da aceleración na expansión do universo.
Índice |
Traxectoria [editar]
- Graduado en Física e Astronomía pola Universidade de Arizona en 1989[1]
- Doutor en Ciencias Físicas pola Universidade Harvard en 1993. A tese doutoral estivo a cargo de Robert Kirshner e facíase uso do estudo das estrelas supernova clase Ia para medir a constante cosmolóxica de Hubble.
Instalouse en Australia en 1994 tras casar coa súa esposa Jenny M. Gordon, sendo estudante de económicas na Universidade Harvard.
Actividades científicas [editar]
Schmidt foi un bolseiro postdoctoral do Centro Astrofísico Smithsonian de Harvard (1993-94) antes de marchar ó Observatorio Astronómico de Monte Stromlo en 1995.
Schmidt liderou o equipo de investigación High-Z Supernova onde realizou unha medición da expansión do universo até chegar a oito mil millóns de anos-luz no pasado.
En 1998 este equipo investigador xunto co Proxecto Supernova Cosmology, acharon evidencias de que o universo estaba a acelerarse na súa expansión.[2] Sendo nomeado como "o acontecemento máis rompedor do ano" segundo a revista Science.
Schmidt actualmente lidera o proxecto de cartografía celeste para o proxecto do telescopio espacial e forma parte da Rede de Estudo do Ceo Austral (Southern Sky Survey).
Premios e recoñecementos [editar]
- 2000 - Premio Malcolm McIntosh do goberno de Australia.
- 2000 - Premio Bok da Universidade Harvard.
- 2001 - Medalla Joseph Lade Pawsey da Academia Australiana de Ciencias.
- 2002 - Medalla Vainu Bappu da Sociedade Astronómica da India.
- 2005 - Lector do Marc Aaronson Memorial
- 2006 - Premio Shaw en Astronomía, compartido con Adam Riess e Saul Perlmutter.
- 2011 - Premio Nobel de Física,compartido con Adam Riess e Saul Perlmutter.[3]
Schmidt e outros membros de equipo High-Z (definidos como coautores de Riess en 1998) compartiron en 2007 o Premio Gruber en Cosmoloxía, dotado con medio millón de dólares estadounidenses e con Saul Perlmutter do Laboratorio Nacional Lawerence Berkeley e o Proxecto Supernova Cosmology (o equipo definido como coautores de Perlmutter en 1999) polos seus descubrimentos na aceleración da expansión do universo.
Notas [editar]
- ↑ "SCHMIDT, Brian" en Who's Who Live (Australia), Crown Content Pty Ltd.
- ↑ Cosmology ABC Catalyst segment on Cosmology, with Brian Schmidt, Ray Norris, & Lawrence Kraus
- ↑ "Premio Nobel de Física por investigacións sobre a aceleración da expansión do universo". BBC News. 4 de outubro de 2011. http://www.bbc.co.uk/news/science-environment-15165371.
Véxase tamén [editar]
Outros artigos [editar]
- Aceleración da expansión do Universo
- Universo
- Constante cosmolóxica
- Enerxía escura
- Materia escura
- Supernova
- Telescopio espacial
Ligazóns externas [editar]
- Páxina web persoal de Brian Schmidt (en inglés).
- Anuncio do premio Nobel de Física do ano 2011 (en inglés).
- Brian P Schmidt - Curriculum Vitae (en inglés).
