Otto Stern

Na Galipedia, a Wikipedia en galego.
Otto Stern
Otto Stern
Profesión: físico
Nado en: 17 de febreiro de 1888
Lugar de nacemento: Sohrau, Prusia, Imperio Alemán
Faleceu en: 17 de agosto de 1969
Lugar: Berkeley, California, Estados Unidos

Otto Stern, nado en Sohrau o 17 de febreiro de 1888 e finado en Berkeley o 17 de agosto de 1969, foi un Físico alemán, nacionalizado estadounidense.

Traxectoria[editar | editar a fonte]

Stern naceu no seo dunha familia xudía en Sohrau (Żory) daquela parte do Imperio Alemán de Prusia (hoxe en día Polonia).

Estudou na Universidade de Breslau, sendo, posteriormente, profesor na Escola Técnica de Zúric, na Universidade de Frankfurt e na Universidade de Hamburgo. En 1933 dimitiu como profesor nesa universidade, trasladándose aos EUA, onde obtivo o cargo de profesor de investigación de física no Instituto Carnegie de Tecnoloxía (hoxe Universidade Carnegie Mellon) en Pittsburgh, Pensilvania.

Otto Stern, Lise Meitner (1937).

Nos seus labores de investigación, calculou o momento magnético do átomo de prata. Tamén, achou para o momento magnético do protón un valor 2,5 veces maior que o predito pola teoría de Paul Dirac.

Foi galardoado en 1943 co premio Nobel de Física polos seus estudos sobre os feixes moleculares, as propiedades magnéticas dos átomos e o descubrimento do momento magnético do protón nunha serie de experimentos realizados en colaboración con Walther Gerlach coñecidos popularmente como experimento de Stern-Gerlach.

Véxase tamén[editar | editar a fonte]

Ligazóns externas[editar | editar a fonte]