Praza de touros de Pontevedra

Na Galipedia, a Wikipedia en galego.
Saltar ata a navegación Saltar á procura

Coordenadas: 42°25′48″N 8°39′07″O / 42.43000, -8.65194

Escultura diante da Praza de touros.

A Praza de touros de Pontevedra é un edificio adicado a actividades taurinas na cidade de Pontevedra, no cal se celebra cada ano a feira taurina da Peregrina. O recinto ten unha capacidade para 7.800 persoas, sendo polo tanto o segundo recinto con máis capacidade da capital pontevedresa, só por detrás do Estadio de Pasarón. A Praza de touros de Pontevedra é o único sitio permanente dedicado á tauromaquia en todo o territorio galego. Dende o ano 1996 a praza ten un teito que protexe do sol ou da choiva a todo o recinto (tanto bancadas como area). A praza pertence á empresa dos irmáns Lozano dende hai máis de 30 anos, e nela celébranse ademais eventos como concertos musicais, mitins políticos ou actos da Feira Franca.

Historia[editar | editar a fonte]

Praza de touros de Pontevedra.jpg
Evento durante a Feira Franca de Pontevedra.

Na súa orixe, o edificio era de madeira. Foi inaugurado o 10 de agosto de 1892 cunha corrida na que actuaron Espartero, Mazzantini e Guerrita. No ano 1900 foi tirada e reconstruída como é hoxe. Dende entón moitas figuras do pasado e do presente pasaron pola praza: Manolete, Luis Miguel Dominguín, Enrique Ponce, El Juli, Antoñete, Cesar Rincón, Espartaco, José Tomás etc. Como curiosidade, o mesmo rei Afonso XIII presenciou un festexo taurino na praza en 1929.

O 16 de agosto de 1931 acolleu a disputa do combate de boxeo entre Ángel Sobral e Emile Romerio, polo campionato de España de peso medio.[1].

Feira Taurina da Peregrina[editar | editar a fonte]

Cada ano ten lugar a feira taurina da Peregrina coincidindo coas festas da cidade, na que se celebran 4 festexos durante os dous primeiros fins de semana do mes de agosto na praza de touros de Pontevedra. Esta feira taurina ten un grande arraigo en sectores da cidade, con 47 grupos taurinos (peñas)[2], con arredor de 1350 socios[3].

Con todo, tamén hai unha forte oposición social á celebración deste evento taurino. Así, a Coordenadora Antitouradas de Pontevedra integra diferentes asociacións de diferente ideoloxía: contra o maltrato animal (Galiza mellor sen touradas, Matar por Matar NON, protectora Os Palleiros), ecoloxistas (ADEGA, APDR, Vaipolorío, Verdegaia, Colectivo Ecoloxista do Salnés), políticas (Galiza Nova, Isca!, Briga, Nós-UP) sociais (A Revira) ou sindicais (CNT). Demandan a abolición do maltrato animal e a reconversión da praza de touros nun espazo público[4].

Notas[editar | editar a fonte]

  1. "Ángel Sobral". Boxer List. 
  2. "Si quitaran los toros por una decisión política se armaría una revolución". La Voz de Galicia. 19 de xullo de 2015. 
  3. "Miles de aficionados se darán cita este fin de semana en la plaza en el final de la feria". Faro de Vigo. 13 de agosto de 2011. 
  4. "Coordenadora Antitouradas de Pontevedra". Arquivado dende o orixinal o 03 de setembro de 2011. Consultado o 16 de marzo de 2011. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]