Paseo marítimo de Pontevedra
| Paseo marítimo de Pontevedra | |
|---|---|
 Paseo pola zona da avenida de Marín | |
| Tipoloxía | paseo marítimo |
| Titular da vía | Concello de Pontevedra |
| Dimensións | |
| Lonxitude | máis de 7 km |
| Localización | |
| Inicio | Lourizán |
| Fin | Praia do Lérez |
| Localidade | Pontevedra |
| Circulación | |
| Velocidade máxima | 30 km/h, 50 km/h |
| Construción | |
| Comezo | 1997 |
| Completado | 2022 - inconcluso |
| Outros datos | |
| Nomes alternativos | Paseo de Beiramar Paseo do Lérez Avda. de Marín Avda. das Corvaceiras Avda. de Uruguai Avda. de Bos Aires Avda.de Domingo Fontán |
O paseo marítimo de Pontevedra é unha vía peonil ao longo do litoral fronte á ría de Pontevedra, en Pontevedra. Este espazo público costeiro está construído na zona urbana e semiurbana da cidade e define o seu encontro co mar e co río Lérez.
Historia
[editar | editar a fonte]A principios do século XX era un camiño irregular e pedregoso que bordeaba a ría de Pontevedra e o río Lérez. O actual paseo peonil ten varios tramos que foron construídos en distintas épocas por diferentes administracións públicas.
Ata 1997, as ribeiras do Lérez non estaban urbanizadas. En 1996, a Xunta de Galicia adxudicou á empresa construtora OCP as obras de construción da marxe desde a ponte dos Tirantes ata a zona da praia do Lérez, incluíndo un novo acceso ao barrio de Monte Porreiro.[1] As obras iniciáronse o 7 de outubro de 1996 e abarcaron un total de 42.000 metros cadrados na marxe esquerda do río. Na marxe dereita, o proxecto consistiu na urbanización dunha franxa de 110.000 metros cadrados con espazos verdes, pontes de madeira, mellora da silvicultura, instalación de mobiliario urbano e iluminación.[2] O paseo, coñecido como Paseo do Lérez, foi inaugurado polo Presidente da Xunta de Galicia o 24 de xullo de 1997. Desde ese día, esta vía peonil foi o principal lugar de paseo dos pontevedreses.[3]
No ano 2000, o Ministerio de Obras Públicas iniciou a remodelación do paseo de Beiramar desde a ponte do Burgo ata o porto de Corvaceiras.[4] Fronte á ponte do Burgo creouse unha rotonda cun estanque ornamental e instalouse a escultura Dorna do artista Xaime Quesada (que posteriormente se trasladou á rúa do Gorgullón durante unha nova reestruturación da Avenida de Uruguai en 2006).[5] As obras deste novo paseo peonil nas beiras da Ría de Pontevedra foron inauguradas polo vicepresidente do Goberno español, Mariano Rajoy, o 20 de agosto de 2001.[6]
En 2009, o Concello de Pontevedra puxo en marcha o proxecto de ampliación do paseo marítimo desde o porto de Corvaceiras e a desembocadura do río Gafos ao longo da ría de Pontevedra, para abrir a cidade ao mar.[7] O proxecto foi deseñado polo arquitecto José Ramón Garitaonaindia de Vera. Urbanizouse o paseo marítimo, eliminouse un carril da autovía PO-12 e ocupáronse terreos de dominio público marítimo.[8][9] Construíuse un miradoiro sobre pilotes na ría de Pontevedra, con vistas á illa de Tambo. O paseo marítimo inaugurouse o 25 de marzo de 2011.[10]
En xullo de 2017, o Concello acondicionou o paseo do Lérez mediante a reparación de gretas na senda peonil e o carril bici. Tamén se reforzou un tramo duns 300 metros, entre a praia do Lérez e a ponte dos Tirantes, coa instalación de case 700 pilotes con vigas colocados na beira do paseo.[11]
En xuño de 2020, o Ministerio de Transición Ecolóxica adxudicou á construtora San José a ampliación do paseo marítimo (incluíndo un carril bici) en máis de dous quilómetros,[12] desde a rotonda de Malvar ata Praceres, na parroquia de Lourizán.[13] As obras comezaron en agosto de 2020.[14] O primeiro quilómetro e trescentos metros deste tramo do paseo marítimo abriuse oficialmente aos peóns o 26 de febreiro de 2022.[15][16]
Descrición
[editar | editar a fonte]Visualmente e no inconsciente colectivo, o Paseo Marítimo, o Paseo de Beiramar e o Paseo do Lérez forman unha única arteria costeira: Beiramar.
- Paseo marítimo: Desde o porto de Corvaceiras ata Lourizán o paseo conta cunha vía de 2 km e medio de lonxitude e 2,5 metros de ancho que dá á ría de Pontevedra e un carril bici.[17] Na zona próxima á rúa Manuel del Palacio reparáronse os chanzos de pedra que baixan á ría de Pontevedra.[18] O paseo inclúe luminarias LED que separan o carril bici do paseo peonil, varios bancos de deseño de formigón revestidos de madeira preto do cruzamento da rúa Manuel del Palacio, un miradoiro de 100 metros cadrados sobre pilotes por riba da ría de Pontevedra con vistas á illa de Tambo e bancos de madeira e farois no resto do paseo ata Lourizán.[19][20]
Cando a marea está baixa no estuario, grandes bancos de area quedan descubertos, formando unha zona húmida que atrae a moitas aves mariñas como garzas, gaivotas, limícolas e patos mariños. Esta zona atrae cada vez a máis afeccionados á ornitoloxía.[21]
- Paseo de Beiramar (desde o porto de Corvaceiras ata a ponte do Burgo): O paseo está equipado cunha varanda de aceiro inoxidable, bancos de madeira, papeleiras, céspede, arbustos, árbores (piñeiros mansos, figueiras benxaminas, liquidámbar, alcanforeiros, pereiras de Callery, alfaneiros), unha sebe vermella detrás dos bancos e varias fontes de auga potable.[22][23] O paseo está pavimentado con granito rosa e baldosas de lousa negra dispostas en forma de cruz. O paseo pasa debaixo da ponte da Barca cunha plataforma de madeira que discorre polo interior dun dos vans da ponte.[24] Unha pasaxe peonil subterránea con luz natural, a través da rotonda superior da avenida de Uruguai, discorre baixo a ponte das Correntes. Esta pasaxe está protexida no lado da ría por un muro de cristal, para poder ver a auga durante as mareas altas, cando o nivel do mar sobe.[25]
- Paseo do Lérez (desde a ponte dos Tirantes ata a praia do Lérez): Inclúe un carril bici, un paseo peonil con dique e chanzos de granito que baixan ao río, bancos, farois e xardíns con fileiras de plátanos.[26] No centro do paseo atópase a pasarela atirantada deseñada polo enxeñeiro de camiños Hugo Corres Peiretti, que salva o río Lérez e conduce ao parque da Illa das Esculturas.[27] O taboleiro curvo desta ponte, que permite o paso de pequenas embarcacións, ten unha luz de 82,50 metros e unha frecha de 13,40 metros, cun taboleiro metálico de ferro e un arco curvo de 1 metro de diámetro.
Puntos de interese
[editar | editar a fonte]- As pontes que cruzan a ria de Pontevedra e o río Lérez : a ponte da Barca, a ponte das Correntes, a ponte do Burgo e a ponte dos Tirantes.
- O porto deportivo de Pontevedra, xunto ao Paseo de Beiramar (Avenida de Uruguai).
- O mercado central de Pontevedra, preto da ponte do Burgo.
- O Museo de Pontevedra, preto da ponte de Santiago.
- Os bancos de area durante a marea baixa para observar as aves mariñas.[28]
- A Illa de Tambo, pode ser vista desde o paseo.
Galería
[editar | editar a fonte]-
Paseo marítimo -
Paseo á beira do mar -
Paseo marítimo coa cidade ao fondo -
O paseo e a ría de Pontevedra -
O paseo preto da rúa Manuel del Palacio -
Paseo marítimo e vista da cidade -
Paseo marítimo e Illa de Tambo -
Miradoiro no paseo marítimo -
Paseo cara a cidade -
O paseo e os estaleiros ao fondo -
O paseo cos farois -
Paseo marítimo coa varanda -
O paseo coa marea baixa -
O paseo na Avenida de Marín -
Paseo marítimo, luminarias LED e carril bici -
Paseo de Beiramar e Ponte da Barca -
Paseo de Beiramar e ponte das Correntes -
Paseo do Lérez
Notas
[editar | editar a fonte]- ↑ "OCP inicia la recuperación de las márgenes del Lérez". La Voz de Galicia (en castelán). 7 de outubro de 2018.
- ↑ "OCP inicia la recuperación de las márgenes del Lérez". La Voz de Galicia (en castelán). 7 de outubro de 2018.
- ↑ "Pontevedra recupera las márgenes del río Lérez". La Voz de Galicia (en castelán). 24 de xullo de 2018.
- ↑ "En casa y con los suyos". La Voz de Galicia (en castelán). 21 de agosto de 2001.
- ↑ "La arqueología manda en las obras de rehabilitación del entorno de O Burgo". La Voz de Galicia (en castelán). 23 septembre 2006.
- ↑ "Rajoy preside la inauguración del paseo peatonal de Beiramar". La Voz de Galicia (en castelán). 20 août 2001.
- ↑ "La reforma de la avenida de Marín pasa de la virtualidad a la realidad". La Voz de Galicia (en castelán). 20 de novembro de 2009.
- ↑ "La avenida de Marín pierde un carril por las obras de apertura al mar". La Voz de Galicia (en castelán). 3 de marzo de 2010.
- ↑ "Cerrado definitivamente uno de los carriles de salida de la avenida de Marín a partir de Manuel del Palacio". La Voz de Galicia (en castelán). 9 de xuño de 2010.
- ↑ "El paseo marítimo queda inaugurado". Diario de Pontevedra (en castelán). 25 de marzo de 2011.
- ↑ "Grietas en el paseo de la playa del Lérez obligan a contratar obras exprés". Diario de Pontevedra (en castelán). 6 xullo 2017.
- ↑ "La primera fase del paseo marítimo de Pontevedra a Marín estará lista este año". Pontevedra Viva (en castelán). 22 de outubro de 2020.
- ↑ "El paseo peatonal entre Pontevedra y Marín estará operativo en la primavera de 2021". Pontevedra Viva (en castelán). 25 de xuño de 2020.
- ↑ "Costas acondiciona el tramo del paseo a Marín ya rematado para abrirlo en enero". La Voz de Galicia (en castelán). 26 de decembro de 2021.
- ↑ "Costas autoriza por fin el uso del primer tramo del nuevo paseo peatonal a Marín". Diario de Pontevedra (en castelán). 24 de febreiro 2022.
- ↑ "Los pontevedreses disfrutan, por fin, del primer tramo del paseo a Marín". Pontevedra Viva (en castelán). 26 de febreiro de 2022.
- ↑ "La reforma de la avenida de Marín reduce el tráfico a 3 carriles y crea un paseo marítimo". Faro (en castelán). 28 de novembro de 2008.
- ↑ "El concello encarga la reforma viaria de la avenida de Marín sin aguardar a su cesión". Faro (en castelán). 25 de xaneiro de 2009.
- ↑ "Nuevo mirador en Mollavao para primeros de marzo". La Voz de Galicia (en castelán). 1 de febreiro de 2011.
- ↑ "Inminente desbloqueo del primer tramo del paseo peatonal de Pontevedra a Marín". La Voz de Galicia (en castelán). 21 de xullo de 2021.
- ↑ "La desembocadura del Lérez atrae cada vez a más aficionados a la ornitología". Diario de Pontevedra (en castelán). 30 de outubro de 2022.
- ↑ "Pontevedra quiere 'lavar la cara' a la fachada verde de la ciudad hacia el río". Pontevedra Viva (en castelán). 21 de febreiro de 2019.
- ↑ "Rajoy preside la inauguración del paseo peatonal de Beiramar". La Voz de Galicia (en castelán). 20 de agosto de 2001.
- ↑ "Fomento encomienda al Concello el mantenimiento del paseo de orillamar". La Voz de Galicia (en castelán). 12 de maio de 2002.
- ↑ "El nuevo puente de As Correntes comenzará a construirse en el 2008". La Voz de Galicia (en castelán). 18 de agosto de 2007.
- ↑ "OCP inicia la recuperación de las márgenes del Lérez". La Voz de Galicia (en castelán). 7 de outubro de 2018.
- ↑ "Pontevedra, la ciudad de los puentes". El Español (en castelán). 25 de marzo de 2021.
- ↑ "La desembocadura del Lérez atrae cada vez a más aficionados a la ornitología". Diario de Pontevedra (en castelán). 30 de outubro de 2022.
Véxase tamén
[editar | editar a fonte] |
Wikimedia Commons ten máis contidos multimedia na categoría: Paseo marítimo de Pontevedra  |
