Saltar ao contido

Edificio Gran Garaje

Na Galipedia, a Wikipedia en galego.
Gran Garaje
Pontevedra Editar o valor en Wikidata
Fachada principal do Gran Garaje na rúa Benito Corbal
Tipoedificio Editar o valor en Wikidata
EstiloModernista
Persoas e organizacións
Arquitecto/aMaximiano Limeses Artime Editar o valor en Wikidata
Datas
Fundación1915 Editar o valor en Wikidata
Remodelación2017
Localización
Mapa
 42°25′50″N 8°38′33″O / 42.43064, -8.64258
Situado enPontevedra Editar o valor en Wikidata
LocalizaciónPontevedra
Código postal36001 Editar o valor en Wikidata
EnderezoRúa Benito Corbal, 8
[ Wikidata ] [ C:Commons ]

O Gran Garaje é un edificio modernista de 1915, situado no centro da cidade de Pontevedra.

Localización

[editar | editar a fonte]

O edificio está situado na rúa Benito Corbal, no centro peonil e comercial da cidade, preto da praza da Ferrería de Pontevedra.

Historia

[editar | editar a fonte]

O edificio foi construído en 1915 na antiga rúa Progreso, segundo un proxecto do arquitecto Maximiliano Limeses Artime. Construíuse nun soar onde había unhas antigas cocheiras,[1] para que servise de parada aos coches de cabalos.[2]

Na década de 1960, co auxe do automóbil na cidade, renovouse a súa fachada, construíuse a nova cuberta e o edificio pasou a chamarse Gran Garaje, servindo como aparcadoiro de pagamento con capacidade para 75 vehículos (de aí o seu nome).[3][4] Na década de 1970 as zonas a cada lado da entrada principal do edificio utilizáronse como dúas pequenas tendas, unha de recordos e outra de xoguetes. Na década de 1980, anos de grande especulación inmobiliaria na cidade, salvouse da demolición para a construción dun edificio de varias plantas ao fracasar a súa venda, deixando á vista as medianeiras dos grandes edificios que o rodean.[5]

En 2014 o aparcadoiro e mais as dúas pequenas tendas da entrada pecharon definitivamente. Tras unha renovación completa da fachada e o interior, o edificio inaugurouse o 5 de maio de 2017 como tenda de moda da cadea de roupa Mango.[6]

Descrición

[editar | editar a fonte]

O edificio ten unha fachada modernista e un interior amplo, espazoso e diáfano, debido á función orixinal para a que foi deseñado.[7] Ten unha superficie de 900 metros cadrados.[8]

Trátase dun edificio dunha soa planta cunha planta baixa. A fachada branca ten unha gran porta cadrada de madeira encaixada no centro e dúas portas alongadas de arco rebaixado a cada lado.[9][10] O tellado, catalogado e protexido como elemento patrimonial, está formado por unha lanterna, unha celosía e un tellado a dúas augas que data de 1965.[11][12]

A decoración modernista con motivos florais céntrase sobre as catro portas laterais. O friso superior está abundantemente decorado e a parte central da fachada, sobre a gran porta de entrada, está coroada por un frontón circular enmarcado entre dúas pequenas columnas, baixo o cal se atopa a inscrición en relevo Gran Garaje.

Galería

[editar | editar a fonte]
  • Fachada
    Fachada
  • Entrada
    Entrada
  • Tenda de Mango
    Tenda de Mango
  • Sección central
    Sección central
  • Portas laterais esquerdas
    Portas laterais esquerdas
  • Portas laterais dereitas
    Portas laterais dereitas
  • O edificio en 2014 antes da súa reforma
    O edificio en 2014 antes da súa reforma

Notas

[editar | editar a fonte]
  1. ↑ "La «milla de oro» recupera al Gran Garaje como superficie comercial". La Voz de Galicia (en castelán). 4 de maio de 2017. 
  2. ↑ "Uno de los últimos vestigios de la época dorada del modernismo en la ciudad". La Voz de Galicia (en castelán). 7 de febreiro de 2016. 
  3. ↑ "El adiós del garaje que vio pasar los primeros coches de Pontevedra". La Voz de Galicia (en castelán). 9 de marzo de 2022. 
  4. ↑ "Arranca la rehabilitación del antiguo edificio del Gran Garaje". La Voz de Galicia (en castelán). 1 de outubro de 2016. 
  5. ↑ "Uno de los últimos vestigios de la época dorada del modernismo en la ciudad". La Voz de Galicia (en castelán). 7 de febreiro de 2016. 
  6. ↑ "El Gran Garaje comienza una nueva etapa como establecimiento comercial de una cadena de moda". Pontevedra Viva (en castelán). 6 de maio de 2017. 
  7. ↑ "El Gran Garaje comienza una nueva etapa como establecimiento comercial de una cadena de moda". Pontevedra Viva (en castelán). 6 de maio de 2017. 
  8. ↑ "Patrimonio pone condiciones a la tienda de Mango en el Gran Garaje". La Voz de Galicia (en castelán). 12 de novembro de 2014. 
  9. ↑ "Uno de los últimos vestigios de la época dorada del modernismo en la ciudad". La Voz de Galicia (en castelán). 7 de febreiro de 2016. 
  10. ↑ "Patrimonio pone condiciones a la tienda de Mango en el Gran Garaje". La Voz de Galicia (en castelán). 12 de novembro de 2014. 
  11. ↑ "Patrimonio desbloquea el proyecto comercial en el antiguo Gran Garaje". Diario de Pontevedra (en castelán). 7 de febreiro de 2016. 
  12. ↑ "Mango desbloquea en el Concello su gran proyecto comercial en Benito Corbal". Diario de Pontevedra (en castelán). 8 de xullo de 2016. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Edificio_Gran_Garaje&oldid=6342469»