Illa das Esculturas

Saavedra, de Francisco Leiro.

A illa do Covo, denominada popularmente como illa das Esculturas, é unha illa situada na fouce do río Lérez, en Pontevedra. Ten uns 70.000 m², e está conectada con ambas beiras do río por pasarelas e pontes.

Historia e características

Recentemente a comunidade de montes de Lérez levou a cabo unha talla da maioría dos eucaliptos que había, substituíndoos por árbores autóctonas. A illa é utilizada por moitas aves como lugar de cría. Situada ó carón do campus universitario, é utilizada por bastante xente como lugar de paseo ou adestramento deportivo.

En 1999 levouse a cabo o proxecto de recuperación deste espazo, coa creación de obras de arte contemporánea interrelacionadas coa paisaxe por parte de 12 autores. O proxecto inaugurouse oficialmente o 29 de xullo de 1999.

Obras

• Cielo acortado, de Giovanni Anselmo.
• Los 36 justos, de Fernando Casás.
• sen título, de José Pedro Croft.
• Pyramid, de Dan Graham.
• Petrarca, de Ian Hamilton Finlay.
• sen título, de Jenny Holzer.
• Saavedra, de Francisco Leiro.
• Línea de Pontevedra, de Richard Long.
• Labirinto de Pontevedra, de Robert Morris. Recrea a Pedra do Labirinto, dos petróglifos de Mogor.
• Una Folie o Pequeño Paraiso para Pontevedra, de Anne e Patrick Poirier.
• sen título, de Ulrich Rückriem.
• Xaminorio xunquemenes abay, de Enrique Velasco.

Galería de imaxes

• 

  Sen título, obra en granito de Ulrich Rückriem

• 

  Labirinto de Pontevedra, de Robert Morris.

• 

  Pyramid, de Dan Graham.

• 

  Eucaliptal

• 

  Femia de cisne aniñando

Véxase tamén

Bibliografía

• Castro, X. A.: Illa das Esculturas. Deputación de Pontevedra (2003).
• La Isla de Esculturas de Pontevedra: un modelo integrado de arte y naturaleza (PDF), tesis doutoral de Eva López Tarrío