Ponte das Correntes

Na Galipedia, a Wikipedia en galego.

Coordenadas: 42°26′12″N 8°38′54″O / 42.436666666667, -8.6483333333333

Ponte das Correntes
Localización
RíoRío Lérez, Ría de Pontevedra
ConcelloPontevedra
ProvinciaPontevedra
Características
Construción2008 - 2011
Lonxitude138 m
Ancho30 m
TipoArco atirantado
Material

A Ponte das Correntes, é unha ponte en arco atirantado ou bow-string que cruza o río Lérez na cidade de Pontevedra. Foi inaugurada en 2012 e conecta a avenida de Uruguai co paseo de Domingo Fontán.[1]

Historia[editar | editar a fonte]

O lugar da ponte coñécese como As Correntes, por ser o punto de encontro das augas do río Rons coas do río Lérez e a ría de Pontevedra. Desde 1989 estaba prevista a construción dunha nova ponte neste lugar das Correntes para conectar as dúas beiras do río Lérez.[2] Con todo, non foi ata principios do século XXI cando se retomou esta idea para ofrecer outra saída do centro da cidade cara ao norte e as praias da ría de Pontevedra e un acceso directo á autoestrada AP-9.[3][4][5]

En 2008, o concello organizou un concurso de ideas para decidir o deseño da nova ponte. Finalmente, elixiuse unha das propostas de ponte de arco tensado porque combinaba modernidade e integración na contorna urbana, xa que a altura de 10 metros dos seus dous arcos metálicos non se consideraba excesiva para non obstaculizar a vista da Basílica de Santa María a Maior.[6] A construción da ponte comezou o 23 de decembro de 2008.[7] Inaugurouse o 28 de xuño de 2012 coa súa apertura ao tráfico rodado.

Descrición[editar | editar a fonte]

A ponte ten unha lonxitude total entre estribos (luz) de 116 metros. A súa estrutura principal consta de dous arcos paralelos formados por tubos de aceiro branco de 10,5 metros de altura dos que colgan 17 tirantes de aceiro para soportar o taboleiro da ponte. Os arcos de aceiro apóianse en cimentos de formigón armado. A súa estrutura é lixeira, elegante e diáfana.

Ten dous carrís para tráfico rodado en cada dirección e dous carrís para bicicletas. A ambos os dous lados da ponte hai unha pasarela peonil cuberta. O tráfico peonil e ciclista está separado do tráfico motorizado.[8] A funcionalidade da ponte deseñouse cun paso subterráneo peonil con luz natural a través da rotonda superior da avenida de Uruguai. Este paso subterráneo peonil, que discorre baixo a ponte, está protexido no lado da ría por paneis de cristal, de maneira que se pode ver a auga durante as mareas altas cando o nivel do mar sobe.[9]

Galería[editar | editar a fonte]

  • A ponte á noite
    A ponte á noite
  • Carril bici e pasarela peonil
    Carril bici e pasarela peonil
  • Ponte e porto deportivo
    Ponte e porto deportivo
  • Parte inferior
    Parte inferior
  • Paso de peóns
    Paso de peóns
  • Ponte e avenida de Uruguai
    Ponte e avenida de Uruguai

Notas[editar | editar a fonte]

  1. ↑ "As Correntes tendrá que esperar a septiembre para obtener nota". La Voz de Galicia (en castelán). 26 de xuño de 2012. 
  2. ↑ "El puente de As Correntes tardó 22 años en construirse". La Voz de Galicia (en castelán). 28 de novembro de 2017. 
  3. ↑ "La obra del puente de As Correntes, paso a paso". La Voz de Galicia (en castelán). 15 de maio de 2012. 
  4. ↑ "El puente de As Correntes despierta el interés de una quincena de firmas". La Voz de Galicia (en castelán). 26 de maio de 2008. 
  5. ↑ "El nuevo puente de As Correntes será semicubierto para facilitar el tránsito peatonal". La Voz de Galicia (en castelán). 4 de novembro de 2007. 
  6. ↑ "Expertos revisan si los proyectos para construir el puente de As Correntes encajan con la Basílica de Santa María". La Voz de Galicia (en castelán). 25 de xullo de 2008. 
  7. ↑ "Iniciada la construcción de la nueva Ponte das Correntes en Pontevedra". Diario de Pontevedra (en castelán). 23 de decembro de 2008. 
  8. ↑ "El Gobierno gallego da luz verde al convenio para el puente de As Correntes". La Voz de Galicia (en castelán). 25 de abril de 2008. 
  9. ↑ "El nuevo puente de As Correntes comenzará a construirse en el 2008". La Voz de Galicia (en castelán). 10 de agosto de 2007. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Ponte_das_Correntes&oldid=6474931»