Saltar ao contido

Escola Superior de Conservación e Restauración de Bens Culturais de Galicia

Na Galipedia, a Wikipedia en galego.
Escola Superior de Conservación e Restauración de Bens Culturais de Galicia
Tipoinstitución educativa universitaria Editar o valor en Wikidata
Parte deXunta de Galicia Editar o valor en Wikidata
Datas
Fundación17 de outubro de 1991 Editar o valor en Wikidata
Localización
Mapa
 42°25′56″N 8°38′58″O / 42.43222, -8.64933
EstadoEspaña
Comunidade autónomaGalicia
Provinciaprovincia de Pontevedra
ConcelloPontevedra Editar o valor en Wikidata
Código postal36002 Editar o valor en Wikidata
EnderezoCalle General Martitegui,1 Editar o valor en Wikidata
Contacto
Páxina WEBescolaconservacion.gal… Editar o valor en Wikidata
Teléfono+34 886 159 735 Editar o valor en Wikidata
Correomailto:escola.conservacion.galicia@edu.xunta.es Editar o valor en Wikidata
[ Wikidata ] [ C:Commons ]

A Escola Superior de Conservación e Restauración de Bens Culturais de Galicia (ESCRBBCCG) é un centro educativo dependente da Consellería de Cultura, Educación e Ordenación Universitaria da Xunta de Galicia. Ten a súa sede en Pontevedra, no antigo Cuartel de San Fernando, o mesmo edificio que a Facultade de Belas Artes de Pontevedra.

É a única Escola Superior de Conservación e Restauración de Bens Culturais de Galicia e do noroeste peninsular e é a segunda escola de restauración máis antiga de España.[1][2][3]

Historia

[editar | editar a fonte]

A escola ofrece estudos superiores de conservación e restauración desde o 12 de xaneiro de 1992. A creación da Escola Superior de Conservación e Restauración de Bens Culturais de Galicia en Pontevedra remóntase a 1991 co Decreto 352/1991, do 17 de outubro (DOG do 24 de outubro).[4][5]

Entre decembro de 1994 e xaneiro de 1995 finalizou a reforma do antigo cuartel de San Fernando destinado a albergar a Escola Superior Conservación e Restauración de Bens Culturais de Galicia. En 1995 a escola trasladouse ao edificio.[6]

Titulación

[editar | editar a fonte]

O centro imparte estudos superiores en Conservación e restauración dende 1991. Na actualidade pódese cursar nesta escola o Título Superior en Conservación e Restauración de Bens Culturais (equivalente a grao universitario, a tódolos efectos). O título ten unha duración de catro anos, sendo os dous primeiros anos comúns e os dous últimos anos de especialidade. As tres especialidades que se imparten neste centro son conservación-restauración de bens escultóricos, conservación-restauración de bens pictóricos e conservación-restauración de bens arqueolóxicos.[7][8]

Os dous primeiros anos de estudos céntranse nas técnicas de conservación e restauración, cun estudo de bioloxía, física e química relacionadas coa restauración e a historia da arte. Nos dous últimos anos realízase unha especialización segundo a opción elixida, na que se profunda na técnica e a teoría de cada apartado.

Admisión

[editar | editar a fonte]

A escola é pública e esixe un título de bacharelato e un exame de ingreso específico. O exame consta de dous partes: unha análise textual (relacionado coas materias da escola) e un exame de artes plásticas (por exemplo, que unha cor degrádese en tres fases utilizando branco).[9]

Instalacións

[editar | editar a fonte]

O grande edificio da escola é o antigo cuartel neoclásico de San Fernando, obra do arquitecto Bonifacio Menéndez Conde, construído entre 1906 e 1909 e reformado en 1994 polo arquitecto César Portela Fernández-Jardón para converterse en sede da escola superior e albergar os estudos de Conservación e Restauración de Bens Culturais de Galicia.

A biblioteca da escola conta con máis de 9.000 volumes, dos cales case 6.000 foron doados en xullo de 2020 polos herdeiros do médico Manuel Carballal Lugrís, que viviu en Pontevedra.[10]

Galería

[editar | editar a fonte]
  • Entrada da Escola de Restauración
    Entrada da Escola de Restauración
  • Placa co nome da Escola
    Placa co nome da Escola

Notas

[editar | editar a fonte]
  1. ↑ "Los "médicos" del patrimonio quieren ser universitarios". Cadena SER (en castelán). 3 de xuño de 2018. 
  2. ↑ "La Escola de Restauración se adelanta al día europeo con una jornada de puertas abiertas". La Voz de Galicia (en castelán). 7 de outubro de 2019. 
  3. ↑ "Restauran en Pontevedra piezas de modelos anatómicos de diversos animales". La Voz de Galicia (en castelán). 19 de marzo de 2022. 
  4. ↑ "DECRETO 352/1991, de 17 de octubre, por el que se crea la Escuela Superior de Conservación y Restauración de Bienes Culturales de Galicia, con sede en Pontevedra". Xunta de Galicia (en castelán). 24 de outubro de 1991. 
  5. ↑ "El conselleiro destaca los 30 años de labor en favor del patrimonio de la Escola de Restauración". La Voz de Galicia (en castelán). 17 de novembro de 2021. 
  6. ↑ "La Escola de Restauración inicia su andadura en Poio". La Voz de Galicia (en castelán). 12 de xaneiro de 2018. 
  7. ↑ "Alumnos de Pontevedra restauran una imagen en piedra de la virgen de la Asunción del siglo XVIII". La Voz de Galicia (en castelán). 23 de marzo de 2022. 
  8. ↑ "La Escola de Restauración cuenta con un nuevo equipo de análisis de material para trabajo de campo". Pontevedra Viva (en castelán). 23 de setembro de 2021. 
  9. ↑ "¿Qué quiero estudiar? Conservación e restauración: Pintura". La Voz de Galicia (en castelán). 30 de maio de 2020. Arquivado dende o orixinal o 11 de decembro de 2022. Consultado o 11 de decembro de 2022. 
  10. ↑ "Una donación de casi 6.000 libros triplica los fondos de la Escola de Restauración". La Voz de Galicia (en castelán). 15 de xullo de 2020. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Escola_Superior_de_Conservación_e_Restauración_de_Bens_Culturais_de_Galicia&oldid=7004085»