Facultade de Ciencias da Educación e do Deporte de Pontevedra

Na Galipedia, a Wikipedia en galego.
Saltar ata a navegación Saltar á busca

Coordenadas: 42°26′30″N 08°38′13″O / 42.44167, -8.63694

Facultade de Ciencias da Educación e do Deporte de Pontevedra
Facultade de Educación e Ciencias do Deporte de Pontevedra.jpg
Vista xeral da facultade
Universidade: Universidade de Vigo
Localización: Pontevedra
Campus:
Enderezo: Campus da Xunqueira
Ano de fundación: 2007
Decano: Vicente Romo Pérez
Docentes:
Estudantes:
Teléfono:
E-mail:
Páxina web: http://webs.uvigo.es/feduc/

A Facultade de Ciencias da Educación e do Deporte de Pontevedra é un centro educativo da Universidade de Vigo situado no campus de Pontevedra.

Historia[editar | editar a fonte]

Pista de atletismo.

O centro ten a súa orixe na Escola Universitaria do Profesorado de EXB de Pontevedra, que estaba integrada na USC. No curso 1993-94 comezaron a impartirse na Escola de Maxisterio, situada á beira sur do río Lérez, as especialidades de Educación Física, Educación Musical, Educación Primaria e Educación Infantil.

En 1998 iniciouse o proceso de conversión en facultade, sendo decano comisario Pedro Figueroa Dorrego. Daquela había 1.400 persoas matriculadas como alumnado, e o profesorado estaba composto por unhas 90 persoas.

Consolidadas as bases, constituíuse co nome de Facultade de Ciencias da Educación e foi elixido o seu primeiro órgano directivo, composto por María Luisa Alonso Escontrela (decana), Antonia Blanco Pesqueira (vicedecana de organización académica), Jorge Figueroa Dorrego (vicedecano de docencia), Leonardo Fuentes Blanco (vicedecano de practicum) e María del Carmen Sánchez Rey (secretaria). No ano 2000 accedeu ao equipo directivo José María Cancela Carral como vicedecano de docencia.

O deseño da facultade, de Jesús Irisarri Castro e Guadalupe Piñera, obtivo o premio SICE en 2008, concedido polo Consello Superior de Colexios de Arquitectos de España[1].

O 26 de febreiro de 2006 apareceu recollida no DOG a ampliación do nome da Facultade, pasando a denominarse Facultade de Ciencias da Educación e do Deporte.

Salón de Graos.

Titulacións[editar | editar a fonte]

Está en pleno proceso de inmersión ao EEES, nado logo do proceso de Bologna. Acolle 5 titulacións en proceso de extinción (licenciatura en Ciencias da Actividade Física e o Deporte e diplomaturas de Educación Física, Educación Musical, Educación Primaria e Educación Infantil), e 3 graos, implantados no curso 2009-10: Educación Infantil, Educación Primaria e Ciencias da Actividade física e o Deporte.

Como estudos de postgrao, acolle catro másteres:

- Máster Interuniversitario en Investigación en Actividade Físcia, Deporte e Saúde pola Universidade de A Coruña e Universidades de Vigo.

- Máster Interuniversitario de Dirección Integrada de Proxectos (DIP)

- Máster Universitario en Necesidades Específicas de Apoio Educativo (MUNAE)

- Máster Universitario en Profesorado de Educación Secundaria Obligatoria, Bachillerato, Formación Profesional e Ensinanza de Idiomas. Especialidades: Ciencias Experimentais. Educación Física

O centro edita a Revista de Investigación en Educación.

Equipo decanal[editar | editar a fonte]

José María Cancela Carral, decano da facultade (2006-2010).

O 15 de decembro de 2006 tiveron lugar as eleccións ao decanato na nova localización da facultade, no campus da Xunqueira, sendo elixido José María Cancela Carral como decano da Facultade para un período de tres anos. O 20 de abril de 2010 tiveron lugar novas eleccións ao decanato. Malia que só se presentou unha candidatura, de carácter continuísta e liderada polo profesor Cancela Carral, non foi aprobada pola Xunta da Facultade.

Mentres non se convocaron novas eleccións, Francisca Fariña Rivera foi nomeada decana de modo interino polo reitorado. Nas eleccións do 12 de maio de 2011 foi corroborada no posto. Durante o período 2011-2014 o equipo decanal estivo composto por Francisca Fariña Rivero (decana), María de los Ángeles Vilariño (secretaria), Uxío Pérez Pérez (vicedecano de organización académica), Carlos Lago (vicedecano de relacións institucionais e mobilidade), Roberto Barcala (vicedecano de estudos de grao, prácticum e formación continua) e Jorge Viaño (vicedecano de calidade). En xaneiro do 2014 celebráronse novas eleccións, sendo reelixida Francisca Fariña como decana co 80 % de apoio da Xunta de Facultade. Neste novo período María Esther Martínez Figueira substitúe no cargo a Roberto Barcala.

Curiosidades[editar | editar a fonte]

En abril celébrase a festividade de Santo Isidoro de Sevilla, patrón do centro.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]