A Universidade de Copenhague consta de seis facultades e catro campus, todos situados en Copenhague.[1] En total ten 36 departamentos e 122 centros de investigación, así como varios museos e xardíns botánicos dentro e fóra da capital danesa.[2] A Universidade posúe tamén varias estacións de investigacións en Dinamarca, incluídas dúas en Groenlandia.[3][4] Ademais, a Facultade de Ciencias Médicas e da Saúde e os hospitais públicos da rexión Capital e de Selandia constitúen o Hospital Universitario de Copenhague.[5]
Foi fundada en 1479, e en 2010 contaba con arredor de 37.000 estudantes, a maioría mulleres (o 59%), e con máis de 7.000 empregados. A Universidade conta con diversos campus distribuídas na cidade de Copenhaguen e na área metropolitana (Stor København). Os máis dos cursos son impartidos en lingua dinamarquesa, malia que tamén existe oferta en inglés, e máis reducida en alemán. A Universidade ten case 3.000 estudantes estranxeiros, metade dos cales proveñen doutros países nórdicos.
