Río Nevá

Na Galipedia, a Wikipedia en galego.
(Redirección desde «Río Neva»)
Río Neva / Río Nevá
Localización do río Neva en Rusia
PaísRusia Rusia
NacementoLago Ladoga (Rusia)
Lonxitude75 km
ConcaRío Neva
Caudal medioen San Petersburgo, 2.510 m³/s
DesembocaduraGolfo de Finlandia

O río Neva ou río Nevá[1] (en ruso: Река Нева́ ) é un río situado ó noroeste de Rusia. Ten 74 km de lonxitude e nace no Lago Ladoga (Ладожское Озеро - Ládozhskoye Ózero) e tras pasar polo istmo de Carelia (Карельский Перешеек - Karelskii Pereshéyek) a través da parte occidental do óblast de Leningrado (región histórica de Ingria) e a cidade de San Petersburgo desemboca no golfo de Finlandia. A pesar da súa pequena lonxitude, é o terceiro río máis caudaloso de Europa, só detrás do Volga e do Danubio.

Historia[editar | editar a fonte]

Durante a Idade Media, o río tiña unha grande importancia, posto que ó ser ancho e navegable constituía unha canle de comunicación entre o Mar Báltico e o río Volga. A confluencia do Neva e o río Izhora foi o escenario da famosa Batalla do Nevá (1240)[1] entre os suecos e rusos. Alexandre Iaroslávich, príncipe de Nóvgorod, gañou dita batalla e asumiu o sobrenome de «Nevski», que significa «do Neva».

Durante o século XVI, a desembocadura do Neva, albergou a fortaleza sueca de Nyen, e un entrante de terra no Ladoga, a fortaleza rusa de Oréshek, logo chamada Shlisselburg. A fortaleza de Nyen foi destruída por Pedro o Grande, despois de fundar a Fortaleza de San Pedro e San Paulo (Петропавловская Крепость - Petropávlovskaya Krépost'), en 1703. Situada na Illa de Liebre (Зайчии Остров - Zaichii Óstrov), a fortaleza é considerada coma a primeira estrutura do actual San Petersburgo.

O monxe ruso Grigori Rasputín foi guindado ó río Neva en 1916 onde morreu afogado.

Notas[editar | editar a fonte]

  1. 1,0 1,1 "Nevá". Diciopedia do século 21 3. Do Cumio, Galaxia e do Castro. 2006. p. 1458. ISBN 978-84-8288-942-9. Río do NO de Rusia (74 km). Nace no lago Ladoga e desemboca no Báltico. • Batalla do Nevá Vitoria de Alexandre Nevski sobre os suecos (1240) 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]