Beade, Vigo

Para outras páxinas con títulos homónimos véxase: Beade (homónimos).

Beade
Igrexa parroquial de Santo Estevo.
Concello	Vigo
Área	- km²
Poboación	(Ano 2003) 5.501 hab.
Densidade	- hab./km²
Entidades de poboación	19

Situación da parroquia no concello.

Estatua en Beade.

Santo Estevo de Beade é unha parroquia do concello de Vigo. Limita coas parroquias de Bembribe, Castrelos, Matamá, Sárdoma, Valadares e Zamáns e pertence ó arciprestado de Vigo-Santo André. Ten 8 entidades de poboación, 12 lugares e 5.501 veciños (2003).

As súas entidades de poboación son as seguintes: Babio (1.210), Balde (355), O Carballo do Pazo (652), A Coutada (671), A Gándara (508), A Pena (368), O Porto (444) e Saa (1.293). Os lugares (que xeralmente forman parte dalgunhas das entidades): A Balde, As Barallas, O Coto, Dornelas, O Facho, Figueirós, Lombeiro, A Pouleira, As Presas, Quintián, Seixo e A Venda.

Xeografía

Sitúase no centro do Concello, e, pola súa altura, ofrece unha vista panorámica da cidade e da ría.

Economía

O máis destacable da parroquia é a súa excelente produción de cereixas (principalmente da denominada "de pico"). No primeiro domingo de xuño (dende 1986) celébrase a Festa-Concurso da Cereixa .

Patrimonio

A igrexa actual foi construída a finais do século XVII. No seu adro atópase un cruceiro, de orixe descoñecida, que foi emprazado na súa localización actual en 1854.

• 

  Detalle da igrexa.

• 

  Cruceiro no adro.

• 

  Detalle do cruceiro.

Música

Conta con unha agrupación musical de gran prestixio, a "Banda-Escola de Música de Beade", que a pesar da súa curta idade (20 anos), xa conta cun amplo currículo de premios e recoñecementos en certames nacionais e internacionais.

Festas

O 26 de xullo celébrase a festa da patroa de Beade, Santa Ana.

Véxase tamén

Outros artigos

• Lugares de Vigo.