Castrelos, Vigo
- Para outras páxinas con títulos homónimos véxase: Castrelos.
| Castrelos | |
|---|---|
 |
|
| Igrexa de Santa María de Castrelos | |
| Concello | Vigo |
| Área | - km² |
| Poboación | (Ano 2003) 7.849 hab. |
| Densidade | - hab./km² |
| Entidades de poboación | 15 |
Santa María de Castrelos é unha parroquia do concello de Vigo. Ten 15 entidades de poboación, 11 lugares e 7.849 veciños (2003).
Índice |
[editar] Poboación
As súas entidades de poboación son as seguintes: Castreliños (125), A Chantada (220), A Costa (205), A Falcoa (539), A Galindra (150), Macal (295), Pardarilla (200), Pazó (506), Pereiró (4.388), Portoloureiro (257), Pousa (105), Pousa de Abaixo (124), Ribadavia (155), A Telleira (249) e Viloura (331).
Os lugares (que xeralmente forman parte dalgunhas das entidades): Alvite, Campiño, A Canivouva, O Cocho, Eixón, A Igrexa, Monte da Serra, Nogueira de Abaixo, Pasales, Seixo e Xiña.
[editar] Situación
Limita coas parroquias de Beade, Coia, Freixeiro, Matamá e Sárdoma e pertence ó arciprestado de Vigo-San Andrés.
[editar] Historia
Ten a súa orixe na propiedade particular do marqués de Valadares que adquiriu as terras para expansión dos seus dominios e dárllelas en arrendamento a colonos. O granito destas terras constituía a súa principal fonte de riqueza, destacando as canteiras de Serra e Porto Loureiro.
O parque urbano máis grande de Vigo está nesta parroquia, cunha extensión de 22.000 metros cadrados. Nel atópase o Pazo Quiñones de León (reconvertido en museo) rodeado duns grandes xardíns que limitan co río Lagares. O pazo ten a súa orixe na Torre de Lavandeira, abandonada trala retirada do exército portugués entre os anos 1665 e 1670. O antigo edificio fora tributario da Orde do Temple, converténdose en torre no século XVI.
No parque de Castrelos tamén se atopa un antigo auditorio ó aire libre (que aproveita a pendente natural do terreo) que se utiliza para a celebración de concertos e festivais no verán.
[editar] Patrimonio histórico-artístico
A igrexa de Santa María (de estilo románico) foi consagrada no 1216. Destaca a rica ornamentación da súa porta occidental. Na zona conservánse ademais unha ponte medieval e un cruceiro do século XVII. A casa parroquial é unha torre do século XIII.
[editar] Festas
O 2 de febreiro celébrase a romaría da Candelaria e, a derradeira semana de maio, a Festa das Flores, ainda que hoxe por hoxe só se celebra a romaria da Candelaria.
[editar] Galería de imaxes
-
Detalle da igrexa.
-
Keane no auditorio.
[editar] Lugares e parroquias
[editar] Lugares de Castrelos
| Lugares da parroquia de Castrelos no concello de Vigo (Pontevedra) | |
|---|---|
|
Alvite | Campiño | A Canivouva | Castreliños | A Chantada | O Cocho | A Costa | Eixón | A Falcoa | A Galindra | A Igrexa | Macal | Monte da Serra | Nogueira de Abaixo | Pardarilla | Pasales | Pazó | Pereiró | Portoloureiro | Pousa | Pousa de Abaixo | Ribadavia | Seixo | A Telleira | Viloura | Xiña |
