Bembrive, Vigo

Bembrive

Igrexa de Santiago de Bembrive.

Concello	Vigo
Área	- km²
Poboación	(Ano 2008) 4.343 hab.
Densidade	- hab./km²
Entidades de poboación	38

Santiago de Bembrive é unha parroquia do concello de Vigo. Limita coas parroquias de Beade, Cabral, Lavadores e Zamáns e pertence ó arciprestado de Vigo-Lavadores.

Índice

1 Poboación
2 Entidade local menor
3 Patrimonio
4 Galería de imaxes
5 Lugares e parroquias
- 5.1 Lugares de Bembrive
- 5.2 Parroquias de Vigo
6 Notas
7 Véxase tamén
- 7.1 Outros artigos
- 7.2 Ligazóns externas

[editar] Poboación

En 2008 tiña unha poboación de 4.343 habitantes (1.980 homes e 2.363 mulleres) [1], o que reflicte un aumento respecto a 2003, con 4.063 habitantes, distribuídos en 38 entidades de poboación segundo o Nomenclator. O censo de poboación do IGE só contempla 14 destes lugares: O Arieiro (604 habitantes), Baruxáns (476), O Carballal (348), As Chans (247), Eifonso (64), Os Freires (257), Mourelle (252), A Mouteira (99), O Outeiro (248), Recaré (272), San Cibrán (115), Segade (324), A Xesteira (137) e Xestoso (406).

A maiores, o Nomenclátor relaciona estoutros: O Cacheno, O Cruceiro, A Cruz, Esparramáns, Espedrás, Ferreiras, O Lameiro, Mandín, Miraflores, Monte da Pedrosa, O Monte do Calvario, Mosteiro, Novelos, Paio, A Parrocha, A Pedra, O Polvorín, O Pouso, As Raposas, As Regadas, Regueiras, Os Ríos, O Toutizo e Xeme.

[editar] Entidade local menor

Bembrive goza dun status particular: o de Entidade Local Menor de Bembrive, constituída o 12 de xuño de 1945 [2] (só outras 8 parroquias galegas gozan do mesmo rango administrativo). A entidade está rexida por un alcalde pedáneo e catro vogais. O alcalde é elixido nas eleccións municipais pero de xeito diferenciado. A elección de vogais é resultado dos votos acadados polos partidos políticos no ámbito parroquial. As vocalías están dedicadas ós temas en que a Entidade ten certa autonomía: Monte, Relacións cidadás, Urbanismo e Obras e servizos.

[editar] Patrimonio

En canto ós monumentos, son salientables a igrexa parroquial de Santiago de Bembrive,^[1] construída no século XII, e o cruceiro do Cacheno, construído no século XVIII. Dos 137 hórreos presentes na parroquia, o 85% conta con máis de cen anos ^{[Cómpre referencia]}.