Xoán Bosco
  | |
| Biografía | |
|---|---|
| Nacemento | (it) Giovanni Melchiorre Bosco 16 de agosto de 1815 Castelnuovo Don Bosco (pt)  |
| Morte | 31 de xaneiro de 1888 (72 anos) Turín (Reino de Italia) |
| 1º Reitor-Mor da Congregação Salesiana (pt) | |
| 1874 – 1888 | |
| Datos persoais | |
| País de nacionalidade | Reino de Italia (1861–1888) Reino da Sardenha (pt) (–1861) |
| Relixión | Catolicismo |
| Actividade | |
| Lugar de traballo | Turín |
| Ocupación | Sacerdote católico de rito romano |
| Lingua | Lingua italiana |
| Orde relixiosa | Salesianos |
| Enaltecemento | |
| |
| Día de festividade relixiosa | 31 de xaneiro 31 de xaneiro 31 de xaneiro 31 de xaneiro |
| Familia | |
| Cónxuxe | sen valor |
| Pais | Francesco Bosco e Margherita Occhiena (pt) |
Premios | |
  | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Xoán Bosco, nado en I Becchi en 1815 e finado o 31 de xaneiro de 1888 en Valdocco, foi o fundador da orde dos salesianos. Corenta e seis anos despois do seu pasamento foi canonizado por Pío XI. A súa festa celébrase o 31 de xaneiro. Está considerado como patrón dos editores.
Traxectoria[editar | editar a fonte]
Inicios[editar | editar a fonte]
Foi o fillo máis novo dunha familia labrega piemontesa. Seu pai morreu cando tiña dous anos. Xoán aprendeu a ler cando viviu cunha tía que traballaba na casa dun sacerdote. Aos dezaseis anos ingresou no seminario de Chieri. Tras ser ordenado diácono, entrou no seminario maior de Turín.
Nesa época empezou a reunir a nenos que vivían na pobreza e na marxinalidade, para o cal recibiu axuda de persoas destacadas, como Xosé Cafasso ou da marquesa de Barola. Fundou unha serie de escolas nocturnas nos barrios desfavorecidos de Turín, nas que aplicaba o seu propio sistema pedagóxico, o chamado Sistema Preventivo, sobre o cal escribiu unha obra como alternativa ó sistema represivo. En 1853 comezou a crear obradoiros de xastrería e zapatería onde os rapaces aprendían o oficio.
Fundación da Orde Salesiana[editar | editar a fonte]
Nun clima anticlerical no Piemonte, en pleno período de configuración da nova Italia, coa expulsión dos xesuítas e outras ordes, o seu carácter aberto e o seu labor social propicioulle a Xoán Bosco o apoio do ministro Urbano Rattazzi, político anticatólico. Este aconselloulle a formación dunha sociedade que sorteara as prohibicións ás que estaban sometidas as ordes relixiosas.
En 1859, Xoán Bosco e 22 colaboradores formaron unha congregación relixiosa inspirada na espiritualidade de San Francisco de Sales (de aí o nome de salesianos) e comprometida cos desfavorecidos e a educación da infancia marxinal. Un grupo de mulleres que cooperaban na formación de nenas fundou a congregación paralela de Fillas de María Auxiliadora no ano 1872 dirixida por María Dominga Mazzarello.
A fundación da orde suscitou o entusiasmo das xentes de clases baixas, tanto en Italia como en Francia, a onde se desprazou na busca de apoio. A primeira casa fundada en Francia se estableceu en Niza en 1875. Pese ás simpatías do papa Pío IX, as reservas da xerarquía vaticana demoraron por 15 anos a aprobación definitiva da congregación.
A súa orde conta con máis de 15.000 membros, 1.300 escolas e máis de 300 parroquias espalladas en 105 países.
 |
Wikimedia Commons ten máis contidos multimedia na categoría: Xoán Bosco  |
| Control de autoridades |
|
|---|
