Candeán, Vigo

Candeán
A Casa dos Mouros.
Concello	Vigo
Área	- km²
Poboación	(Ano 2003) 4.699 hab.
Densidade	- hab./km²
Entidades de poboación	19

San Cristovo de Candeán é unha parroquia do concello de Vigo. Limita coas parroquias de Cabral, Lavadores, San Paio e Teis e pertence ó arciprestado de Vigo-Lavadores. Ten 12 entidades de poboación, 8 lugares e 4.699 veciños (2003).

As súas entidades de poboación son as seguintes: Candeán de Arriba (599), A Devesa (904), A Fonte Escura (1.254), Freiría (91), Goleta (59), Hermide (94), A Igrexa (436), Monte Pequeno (326), Parachán (369), A Rabadeira (485), O Salgueiro (65) e Vesada (17). Os lugares (que xeralmente forman parte dalgunhas das entidades): Candeán de Abaixo, A Costeira, A Fonte Barca, A Lagoa, A Madroa, Pedra Longa, A Poba e Xunco Mariño.

Instalacións

Nas abas da Madroa atópanse o zoolóxico de Vigo (único de Galiza con máis de 600 animais) e as instalacións deportivas auxiliares do Real Club Celta.

Patrimonio

Conserva pegadas de asentamentos prehistóricos, coma petróglifos e dolmens. Nas abas da Madroa atópanse un monumental dolmen coñecido coma "Casa dos Mouros". Existen restos dunha vella construción medieval defensiva que os veciños chaman "Da Torre". A igrexa de San Cristovo foi construída a comezos do século XIX. No cemiterio atópase un dos dous cruceiros da parroquia, construído probabelmente no 1887.

Festas

O segundo domingo de setembro celébrase a Festa dos Pexegos.

Lugares e parroquias

Parroquias de Vigo

Situación da parroquia no concello de Vigo.

Véxase tamén

Outros artigos

• Lugares de Vigo

Ligazóns externas

• Páxina oficial da Union Veciñal Cultural e Deportiva de Candeán
• Páxina do club de futbol de Candeán na categoria Infantil