Alekséi Alekséyevich Abrikósov
 Alekséi Alekséyevich Abrikósov |
|||
|---|---|---|---|
 |
|||
| Nacemento | 25 de xuño de 1928 Moscova |
||
| Campo | Física | ||
| Alma mater | Universidade Estatal de Moscova | ||
|
|||
| É fillo do patólogo Alekséi Ivánovich Abrikósov. | |||
Alekséi Alekséyevich Abrikósov (Алексе́й Алексе́евич Абрико́сов), nado o 25 de xuño de 1928 en Moscova, é un físico de Rusia, fillo do patólogo Alekséi Ivánovich Abrikósov.
Índice |
Traxectoria [editar]
Graduouse na escola secundaria en 1943 e continuou os seus estudos en enxeñaría. En 1945 trasladouse ó Departamento de Física da Universidade Estatal de Moscova, de onde se graduou en 1948 cunha mestría. En 1951 presentou a súa tese sobre a difusión térmica en plasmas total e parcialmente ionizados; así obtivo o grao de Candidato de Ciencias (Ph.D.) e foi incorporado ó persoal do Instituto como científico junior.[1]
Foi premiado co Premio Nobel de Física en 2003 polas súas contribucións á teoría dos superconductores e superfluidos.
Recibiu o Premio Landau da Academia Rusa de Ciencias en 1989.[2]
Cargos [editar]
- 1950-1969: profesor titular na Universidade Estatal de Moscova.
- 1970-1972: profesor da Universidade de Gorky (hoxe Nizhni Nóvgorod).
- 1976-1991: catedrático de física teórica no Instituto de Moscova de Aceiro e Aliaxes (Universidade Técnica).
- 1987: foi nomeado membro da Academia Rusa de Ciencias.[2]
- Profesor adxunto na Universidade de Illinois en Chicago e a Universidade de Utah.
- Profesor adxunto na Universidade de Loughborough, Reino Unido.[1]
Notas [editar]
- ↑ 1,0 1,1 Nobelprize.org. "The Nobel Prize in Physics 2003 - Autobiography". http://nobelprize.org/nobel_prizes/physics/laureates/2003/abrikosov-autobio.html. Consultado o 11 de setembro de 2010.
- ↑ 2,0 2,1 Argonne National Laboratory (7 de outubro de 2003). "Argonne scientist wins 2003 Nobel Prize for Physics". http://www.anl.gov/media_center/news/2003/news031007.htm. Consultado o 11 de setembro de 2010.
